ابايدىڭ تۋعان جەرى سىرت قاسقابۇلاق اباتتاندىرىلادى

وسكەمەن. قازاقپارات - شىعىس قازاقستان وبلىسىندا ۇلى ابايدىڭ كىندىك قانى تامعان جەر سىرت قاسقابۇلاققا اباتتاندىرۋ جۇمىستارى جۇرگىزىلەدى، دەپ حابارلايدى قازاقپارات ءتىلشىسى.

ش ق و اكىمىنىڭ ورىنباسارى باقىتجانا باياحمەتوۆتىڭ ايتۋىنشا، بيىل ابايدىڭ 175 جىلدىعىنا وراي سەمەي قالاسى مەن اباي اۋدانىندا ءتۇرلى مادەني نىسانداردى سالۋعا، جوندەۋدەن وتكىزۋگە، سونداي-اق اباتتاندىرۋ مەن كوگالداندىرۋعا باعىتتالعان 88 جوبا ىسكە اسىرىلماق.

«اتاپ ايتساق، اباي اۋدانىنىڭ ورتالىعى قاراۋىل اۋىلىندا 300 وقۋشىعا ارنالعان مەكتەپ سالىنىپ، وبلىستىق ماڭىزى بار كولىك جولدارى جوندەلەدى. «جيدەباي» مەموريالدىق كەشەنىندە اباي اتىنداعى مۋزەيدىڭ قۇرىلىسى جۇرگىزىلىپ، حاكىمنىڭ تۋعان اۋىلى سىرت قاسقابۇلاق اباتتاندىرىلادى» - دەيدى ول.

ەستەرىڭىزگە سالا كەتسەك، وسىعان دەيىن ش ق و- دا اباي مەرەيتويىنا وراي 560 شارا وتەتىنى حابارلانعان بولاتىن.