كوروناۆيرۋسقا كوبىنە يممۋنيتەتى تومەن ادامدار شالدىعادى - ساراپشى
«اۋرۋدىڭ نەگىزگى بەلگىلەرى: تىنىس الۋ جولدارىنىڭ قابىنۋى، قىزۋدىڭ كوتەرىلۋى، جوتەل، دەمىگۋ، دەنەنىڭ اۋىرۋى، ديارەيا. اتالعان ينفەكتسيانى كوبىنە ۇزاق ۋاقىت تىنىس جولدارىنىڭ سوزىلمالى اۋرۋىمەن اۋىرعاندار، يممۋنيتەتى تومەن ەرەسەك ادامدار جۇقتىرى مۇمكىن» ، - دەيدى ايزات مولداقاسىموۆا.
سونىمەن قاتار، ول دەرتتىڭ الدىن الۋ شارالارى تۋرالى دا ايتتى.
«پروفيلاكتيكالىق شارالار قاراپايىم: قول گيگيەناسى، بولمەنى ءجيى جەلدەتۋ. ەگەر سىزدە كاتارالدى قۇبىلىستار بايقالسا، وندا ۇيدەن شىقپاي دارىگەرگە جۇگىنگەن دۇرىس» ، - دەپ ءتۇسىندىردى ول.
ايزات مولداقاسىموۆا ادامدار كوپ جينالاتىن ورىندارعا بارماۋعا كەڭەس بەردى.
ەسكە سالا كەتەيىك، ءبىز بۇعان دەيىن قىتايدان الماتىعا كەلگەندەر دارىگەرلەردىڭ ءجىتى باقىلاۋىندا ەكەنىن جازعان بولاتىنبىز.
سونداي- اق، ماماندار الماتىلىقتارعا جاپپاي بەتپەردە ساتىپ الۋدىڭ قاجەتى جوق ەكەنىن ەسكەرتتى.
