21:34, 23 - قاڭتار 2020 | GMT +6
قازاقستاندىقتارعا قىتايعا بارماۋعا كەڭەس بەرىلدى
نۇر-سۇلتان. قازاقپارات - قىتايدا جۇرگەن نەمەسە سول جاقتان كەلگەن قازاقستاندىقتاردان رەسپيراتورلىق اۋرۋ سيمپتومدارى بايقالسا، مىندەتتى تۇردە مەديتسينالىق كومەككە جۇگىنۋ كەرەك نەمەسە دارىگەرگە سول ايماعىنا بارعانى تۋرالى حابارلاۋ كەرەك.
بۇل تۋرالى ق ر دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتى ءتوراعاسىنىڭ ورىنباسارى جانداربەك بەكشين و ق ك بريفينگىندە مالىمدەدى.
«اسا ماڭىزدى جاعداي بولماسا، قىتايعا ساپارعا شىعۋدان باس تارتقان ءجون»، - دەدى ج. بەكشين.
ونىڭ ايتۋىنشا، قازىرگى ۋاقىتتا كوپتەگەن قازاقستاندىقتار ساپارلارىن شەگەرىپ، بيلەتتەرىن وتكىزىپ جاتىر.
www.24.kz
