08:54, 22 - قاڭتار 2020 | GMT +5
قىزىلوردالىق ورەن حالىقارالىق بايقاۋدا جەڭىمپاز اتاندى
قىزىلوردا. قازاقپارات - قىزىلوردالىق ونەرپاز دىنمۇحاممەد تولەۋباي بەلارۋس جەرىندە وتكەن «ارت-پاراد» كونكۋرسىنىڭ گران-پري يەگەرى اتاندى، دەپ حابارلايدى قازاقپارات ءتىلشىسى.
بيىل العاش رەت وتكىزىلگەن حالىقارالىق كونكۋرسقا الەمنىڭ كوپتەگەن ەلدەرىنەن ونەرپازدار كەلدى. قازىلار القاسى قىزىلوردالىق جەتكىنشەكتىڭ ونەرىن جوعارى باعالادى.
دىنمۇحامەد قىزىلوردا قالاسىنداعى 11№ مەكتەپتىڭ 7-سىنىبىندا وقيدى. دارىندى جاس بۇعان دەيىن دە بىرنەشە بايقاۋعا قاتىستى. ونىڭ اكادەميالىق باعىتتاعى كونكۋرستىق ءانى قازىلار القاسىنىڭ جوعارى باعاسىنا يە بولعان.
دىنمۇحاممەد تولەۋباي گران-پري يەگەرى رەتىندە بەلارۋستىڭ ۆيتەبسك قالاسىندا وتەتىن ХХІХ حالىقارالىق «سلاۆيان بازارى» بايقاۋىنا شاقىرتۋ الدى.
