اباي تۋرالى بىرنەشە فيلم تۇسىرىلەدى - مادەنيەت ءمينيسترى
«بيىل ۇلى اقىننىڭ 175 جىلدىعىن اتاپ ءوتۋ ءۇشىن كەشەندى جوسپار دايىندالعانىن بىلەسىزدەر. حالىقارالىق، رەسپۋبليكالىق جانە ايماقتىق دەڭگەيدە 500 دەن استام ءىس- شارا ۇيىمداستىرىلادى. باستى جيىننىڭ ءبىرى - تامىز ايىندا سەمەي قالاسىندا وتەتىن عىلىمي- پراكتيكالىق كونفەرەنسيا. سونداي- اق، قازان ايىندا نۇر- سۇلتان قالاسىندا اۋقىمدى حالىقارالىق كونفەرەنسيا وتەدى. بۇل جيىنداردا ابايدىڭ تۇلعاسى مەن مۇراسى جان- جاقتى زەردەلەنىپ، ودان ءارى ايشىقتالا تۇسەدى دەپ سەنەمىز» ، - دەدى ا. رايىمقۇلوۆا.
وسى ورايدا مينيستر مەملەكەت باسشىسى ابايدى جاڭا قازاقستاننىڭ سيمۆولى رەتىندە تانىتۋ تۋرالى ايتقانىن ەسكە سالدى. سوعان سايكەس اقىننىڭ ولەڭدەرى مەن قارا سوزدەرى ون شەت تىلىنە اۋدارىلادى.
«بۇل رەتتە، ءبىز اۋدارما ءىسىنىڭ ساپالى ورىندالۋىنا باسىمدىق بەرەمىز. سونىمەن قاتار، اباي تۋرالى بىرنەشە دەرەكتى فيلم جانە تەلەسەريال ءتۇسىرۋ جوسپارلانىپ وتىر» ، - دەدى مادەنيەت ءمينيسترى.
