شەت ەلدەگى قازاقستاندىق ماگيسترانتتار تۋرالى ۆيدەوعا قاتىستى كوميسسيا قۇرىلدى
ق ر جوعارعى سوتى جانىنداعى سوت تورەلىگى اكادەمياسى 2019 -جىلى قاراشادا شەت ەلدەگى تاعلىمدامان ءوتۋ كەزىندە اكادەميا ماگيسترانتتارىنا قاتىستى 13-قاڭتاردا YouTube جەلىسىندە جاريالانعان بەينەماتەريالدى زەرتتەۋ مەن تەكسەرۋ بويىنشا كوميسسيانىڭ قۇرىلعاندىعىن حابارلايدى.
«ءتارتىپ بۇزۋشىلارعا تارتىپتىك جازا شارالارىن قولدانۋ تۋرالى ماسەلەنى شەشۋگە، تەكسەرۋ قورىتىندىسى بويىنشا جاسالعان كوميسسيا ۇسىنىستارى نەگىز بولادى. اكادەميا ماگيسترانتتارىنىڭ ءتارتىپ بۇزۋشىلىعى راستالعان جانە ولاردى وقۋدان شىعارۋ تۋرالى شەشىم قابىلدانعان جاعدايدا ولاردان وقۋ ءۇشىن مەملەكەت تاراپىنان جۇمسالعان بارلىق قاراجات، وسى شەت ەلدەگى تاعلىمدامامەن بايلانىستى بيۋدجەتتىك شىعىندار وتەلەدى».
وقۋ جۇمىسى مەن شەت ەلدەگى تاعلىمدامانى ۇيىمداستىرۋعا جاۋاپتى ءبىر قاتار قىزمەتتىك تۇلعالار قازىرگى كەزدە اكادەميادا جۇمىس ىستەمەيدى. ماسەلەن: اعىمداعى جىلدىڭ 14-قاڭتارىنان وقۋ جانە عىلىمي جۇمىس بويىنشا ۆيتسە- رەكتور ن. ر. راززاك، 2019 -جىلدىڭ 9-قازانىنا دەيىن اكادەميا رەكتورى مىندەتىن اتقارۋشى؛ 2019 -جىلدىڭ 3-جەلتوقسانىنان حالىقارالىق ىنتىماستىق سۇراقتارى بويىنشا جەتەكشى عىلىمي قىزمەتكەر ا. ك. ابىكەيەۆا؛
2019 -جىلدىڭ 12-جەلتوقسانىنان جوعارعى وقۋدان كەيىنگى ينستيتۋتتىڭ باس ساراپشىسى ل. ە. تولەپ.
سونداي-اق، 2019 -جىلى قازان ايىندا اكادەمياعا ز. ح. بايمولدينا رەكتور بولىپ تاعايىندالدى.
اكادەميا باسپا ءسوز قىزمەتى، كەلەسى مالىمەتتەردى حابارلايدى.
«ءبىرىنشى، بەينەماتەريالداعى تۇلعالار اكادەمياعا 2 جىل بۇرىن تۇسكەن. ولار ءتۇرلى مەملەكەتتىك ورگانداردىڭ، نەگىزىنەن مينيسترلىكتەردىڭ جانە ۆەدومستۆالاردىڭ قىزمەتكەرلەرى»، دەلىنگەن حابارلامادا.
ەكىنشى، اكادەميانىڭ ديپلومى مەن وقۋى ماگيسترانتتاردىڭ سۋديا لاۋازىمىنا اۆتوماتتى تۇردە تاعايىندامايدى. ولار باسقا دا كانديداتتار سەكىلدى زاڭدا كورسەتىلگەن جوعارعى سوت كەڭەسى وتكىزەتىن بارلىق كونكۋرستىق راسىمدەردەن وتەدى.
«ءۇشىنشى. ەگەر بۇرىن كونكۋرستا ۇمىتكەرلىڭ ءاربىر ءتورتىنشىسى ءساتتى ءوتىپ سۋديا رەتىندە تاعايىندالعان بولسا، 2019 -جىلدان باستاپ قاتاڭ ءتارتىپ ەنگىزىلگەننەن كەيىن كونكۋرستا ۇمىتكەرلەردىڭ ءاربىر جيىرماسىنشى عانا ءساتتى وتەدى.
جاقىن ارادا تەكسەرىس ناتيجەسى جانە اكادەميا رەكتورى قابىلداعان شەشىم تۋرالى قوعامعا مالىمدەمە جاسالىنادى»، دەلىنگەن حابارلامادا.