«قازاقى اس: ءداستۇر مەن ءدام» كىتابى جارىق كوردى

نۇر-سۇلتان. قازاقپارات - QazaqGeography بەلسەندى مۇشەسى ايگەرىم مۇساعاجينوۆانىڭ «قازاقى اس: ءدام مەن ءداستۇر» اتتى كىتابى جارىق كوردى، دەپ حابارلايدى قازاقپارات ءتىلشىسى.

ايگەرىم مۇساعاجينوۆا - ەتنوگراف، ق ر ۇلتتىق مۋزەيىنىڭ «حالىق قازىناسى» عىلىمي-زەرتتەۋ ينستيتۋتىنىڭ ماتەريالدىق ەمەس مۇرالارىنىڭ جەتەكشىسى.

كىتاپتا قازىرگى ۋاقىتتا ازىرلەنۋى مەن تۇتىنۋى عانا ەمەس، ءتىپتى اتاۋىنىڭ ءوزى ۇمىت بولۋعا شاق قالعان ەت، ءسۇت جانە ارالاس جاسالاتىن تاعامدار مەن سۋسىنداردىڭ ءبىرقاتار تۇرلەرى قامتىلىپ، ولاردىڭ ازىرلەنۋ تەحنولوگياسى، بيولوگيالىق قۇندىلىعى تۋرالى قىسقاشا سيپاتتامالار بەرىلەدى.

كىتاپ تاعامدانۋ سالاسىنىڭ ماماندارىنا، تەحنولوگتار مەن ەتنوگرافتارعا سونىمەن قاتار، تەحنولوگيا جانە تاريح فاكۋلتەتتەرىنىڭ ستۋدەنتتەرىنە، جالپى ۇلتتىق تاعامعا قىزىعۋشىلىق تانىتاتىن وقىرماندارعا ارنالعان.