يرانداعى ۇشاق اپاتى: ۋكراينا ءۇش باپ بويىنشا تەرگەۋدى باستادى

 بۇل تۋرالى قازاقپارات ۋكرينفورم- عا سىلتەمە جاساپ حابارلايدى.

«ۋ ق ك باس پروكۋرور كەڭسەسىنىڭ تاپسىرماسى بويىنشا Boeing اپاتىنىڭ ءمان- جايىن انىقتاۋ ءۇشىن ۋكراينا قىلمىستىق كودەكسىنىڭ 276-بابى 3-بولىگى (اۋە كولىگىنىڭ قوزعالىس قاۋىپسىزدىگى نەمەسە ەكسپلۋاتاتسياسى ەرەجەلەرىن بۇزۋ) ، 115-بابىنىڭ 2-بولىگى (قاساقانا كىسى ءولتىرۋ) جانە 194-بابى (مۇلىكتى قاساقانا جويۋ نەمەسە ءبۇلدىرۋ) بويىنشا تەرگەۋدى باستادى» ، - دەپ حابارلادى قاۋىپسىزدىك قىزمەتىنەن.

ۆەدومستۆودا تەرگەۋدىڭ وسى كەزەڭىندە اقپارات جيناقتاۋ جالعاسىپ جاتقانىن اتاپ ءوتتى.

بۇعان دەيىن باس پروكۋراتۋرانىڭ كەڭسەسى يرانداعى «ۋكراينانىڭ حالىقارالىق اۋەجەلىلەرى» ۇشاعىنىڭ قۇلاۋىنا قاتىستى قىلمىستىق ءىستىڭ كۆاليفيكاتسياسىن وزگەرتكەن بولاتىن.

ەسكە سالايىق، سارسەنبى، 8 - قاڭتاردا تەگەران ۋاقىتىمەن 6:00 دە يمام حومەيني اتىنداعى اۋەجايدان تەگەران- كيەۆ باعىتىمەن ۇشقان «ۋكراينا حالىقارالىق اۋە جەلىلەرى» اۋە كومپانياسىنىڭ Boeing-737 ۇشاعى اپاتقا ۇشىرادى.

ۇشاق بورتىندا 177 ادام بولعان: 168 جولاۋشى مەن 9 ەكيپاج مۇشەسى. ونىڭ ىشىندە يراننىڭ - 82, كانادانىڭ - 63, ۋكراينانىڭ - 2 + 9 (ەكيپاج) ، شۆەتسيانىڭ - 10, اۋعانستاننىڭ - 4, گ ف ر- دىڭ - 3, ۇلى بريتانيانىڭ 3 ازاماتى بولدى. ولاردىڭ بارلىعى قازا تاپتى.

«ۋكراينانىڭ حالىقارالىق اۋە جەلىلەرى» ۇشاعىنىڭ اپاتقا ۇشىراۋىنا بايلانىستى جاۋاپكەرشىلىكتى يراننىڭ اسكەري- ساياسي قۇرىلىمى «يسلام ريەۆوليۋتسيالىق ۇلاندار كورپۋسى» ءوز موينىنا الدى.