التى جاسار بالاسىنا كولىك تىزگىنىن بەرگەن الماتىلىق جازالاندى

بۇل قۇقىقبۇزۋشىلىق الەۋمەتتىك جەلىدە جاريالانعان بولاتىن. كوپ ۇزاماي بۇل ۆيدەو تانىمال اككاۋنتتاردا تارالىپ كەتتى.

ۆيدەودا 6 جاسار ۇل بالا Merсedes Gelandewagen رولىنە جايعاسىپ كولىكتى جۇرگىزىپ كەتكەن.

«بالا كولىكتى وقىتۋ پوليگونىندا ايداعان بولۋى مۇمكىن. ءبىراق، سولاي بولعان كۇننىڭ وزىندە بۇل بالا ءۇشىن وتە قاۋىپتى. اكەسى ونى ءتۇسىنۋى كەرەك بولاتىن. سوندىقتان اكەسىنە قاتىستى ق ر ا ق ب ك 612-بابىنىڭ 5-بولىمىمەن (جۇرگىزۋگە قۇقىعى جوق تۇلعاعا كولىك ءرولىن بەرۋ) اكىمشىلىك ءىس قوزعالدى»، - دەدى قالالىق پ د باسشىسىنىڭ ءبىرىنشى ورىنباسارى نۇرلان الماسبەكوۆ.

پوليتسيا كولىك جۇرگىزۋشىلەرىنە جول قاۋىپسىزدىگى ماقساتىندا جول ەرەجەلەرىن قاتاڭ ساقتاۋدى ەسكەرتتى.