قاراعاندى وبلىسىندا دەنساۋلىق ساقتاۋ سالاسىن قارجىلاندىرۋ ۇلعايتىلادى

بۇل وتكەن جىلمەن سالىستىرعاندا %24 عا ارتىق. بولىنگەن قاراجاتتىڭ ۇشتەن ءبىر بولىگى 1- قىركۇيەكتەن باستاپ جۇمىس ىستەپ كەلە جاتقان مىندەتتى مەديتسينالىق ساقتاندىرۋ جۇيەسىنە ارنالماق، دەپ حابارلايدى قازاقپارات ءتىلشىسى.

م ءا م س جۇيەسىندە مەكتەپ مەديتسيناسىن سۋبسيديالاۋ قاراستىرىلعان، كونسۋلتاتسيالىق- دياگنوستيكالىق جانە وڭالتۋ كومەگىن قارجىلاندىرۋ كولەمى ايتارلىقتاي كەڭەيتىلدى. قىمبات زەرتتەۋلەرگە قول جەتكىزۋ 2 ەسەگە ءوستى.

مەديتسينالىق ساقتاندىرۋ جۇيەسى تولەمدەردىڭ تۇراقتىلىعىنا بايلانىستى. مەملەكەت ەسەبىنەن قارجىلاندىرىلاتىن جەڭىلدىك الاتىن ازاماتتار ساناتى اۆتوماتتى تۇردە «ساقتاندىرىلعان» مارتەبەسى بەرلىدى. جۇمىس ىستەيتىن قاراعاندىلىقتار ءۇشىن جارنالاردى جۇمىس بەرۋشىلەر اۋدارادى. وڭىرىمىزدەگى 90 مىڭعا جۋىق ءوز بەتىنشە جۇمىسپەن اينالىسۋشىلار ءۇشىن ءبىرىڭعاي جيىنتىق تولەم قاراستىرىلعان - بۇل رەسپۋبليكالىق جانە وبلىستىق ماڭىزى بار قالالار ءۇشىن 1 ا ە ك جانە قالعان ەلدى مەكەندەر ءۇشىن 0,5 ا ە ك.

«ءبىز مەملەكەتتىك كىرىستەر دەپارتامەنتىمەن بىرگە كۇن سايىن، اپتا سايىن وسى جارنالاردىڭ اۋدارىلۋىن تەكسەرەمىز. ءوزىن-ءوزى جۇمىسپەن قامتىعاندارعا ارناپ ءبىز ءبىرىڭعاي جيىنتىق تولەمدى تولەۋ تەرمينالدارىن ورناتامىز. بۇگىنگى تاڭدا حالىقتىڭ باسىم بولىگى، اۋىلدىق ەلدى مەكەندەردى قوسا العاندا، م ءا م س قاتىسۋشىلارى بولىپ وتىر»، - دەپ ءتۇسىندىردى دەنساۋلىق ساقتاۋ باسقارماسى باسشىسىنىڭ ورىنباسارى گامال توقسانبايەۆ.

ەستەرىڭىزگە سالا كەتەيىك، 2020-جىلدان باستاپ قازاقستاندا الەۋمەتتىك مەديتسينالىق ساقتاندىرۋ مىندەتتى بولدى. م ءا م س جۇيەسىمەن ەل حالقىنىڭ %94,5 قامتۋدى جوسپارلاپ وتىر، ونىڭ %5 - دەربەس تولەۋشىلەر. 1- ساۋىرگە دەيىن ەلدىڭ بارلىق تۇرعىندارى ءوز مارتەبەسىن انىقتاۋى ءتيىس، سەبەبى سول ارقىلى ءسىزدىڭ ساقتاندىرۋىڭىزدى مەملەكەت، جۇمىس بەرۋشى نەمەسە ءوزىڭىز قارجىلاندىراتىنىڭىز بەلگىلى بولادى.