اقتوبەدە جول-كولىك وقيعاسى نەگە كوبەيدى

اقتوبە وبلىسىنىڭ اكىمى وڭداسىن ءورازاليننىڭ جانە وبلىس پروكۋرورى مارات قايبجانوۆتىڭ قاتىسۋىمەن جەدەل - قىزمەتتىك جۇمىستىڭ قورىتىندىسى، ءتارتىپ پەن زاڭدىلىق ماسەلەلەرى، ازاماتتاردىڭ وتىنىشتەرىن قاراۋ جۇمىسى قارالدى.

«وتكەن جىلى اقتوبە وبلىسىندا 11 مىڭعا جۋىق قىلمىس تىركەلدى. وبلىستاعى جاعداي تۇراقتى باقىلاۋدا تۇر. ءبىراق بىزگە تەرگەۋ جانە جەدەل- ىزدەستىرۋ باعىتىندا جۇمىستى كۇشەيتۋ قاجەت» - دەدى وبلىستىق پ د باستىعى پوليتسيا پولكوۆنيگى اتىعاي ارىستانوۆ.

وڭىردە كىسى ءولتىرۋ قىلمىسى %16,4، قاراقشىلىق شابۋىل %14,3، توناۋ %30,1، بوتەننىڭ مۇلكىن ۇرلاۋ %32 ازايدى.

«بۇگىنگى تاڭدا ماسەلەلەردىڭ ءبىرى - جول- كولىك وقيعالارىنىڭ كوبەيۋى. وسى باعىتتا وتكەن جىلى 50 دەن استام جەدەل- پروفيلاكتيكالىق ءىس- شارا وتكىزىلدى. الايدا قابىلدانعان شارالارعا قاراماستان 2019 -جىلدىڭ قورىتىندىسى بويىنشا جول- كولىك وقيعالارىنىڭ

سانى %35,3 ( 643-تەن 870-كە)، قازا بولعاندار %15,8، جارالانعاندار %47,4 ءوستى»، - دەدى وبلىستىق پ د باستىعىنىڭ ورىنباسارى قانات الييەۆ.

وبلىس اكىمى وڭداسىن ورازالين قۇقىق بۇزۋشىلىق پەن قىلمىستىڭ الدىن الۋ بويىنشا اتقارىلعان جۇمىستارى ءۇشىن وبلىستىق پد جەكە قۇرامىنا العىسىن ءبىلدىرىپ، جاسوسپىرىمدەر اراسىنداعى قىلمىستىڭ الدىن الۋ شارالارى نەگىزىندە جانە سىبايلاس- جەمقورلىققا قارسى ارەكەت جونىندە ءبىرقاتار نۇسقاۋلار بەردى. ءوڭىر باسشىسى الداعى ۋاقىتتا دا اتقارۋشى ورگان پوليتسيانىڭ ماتەريالدىق- تەحنيكالىق جابدىقتالۋىنا كومەك كورسەتىلەتىنىنە سەندىردى.

اۆتور: التىناي ساعىندىقوۆا