مەملەكەت زەينەتاقى جيناعىن ازاماتتارعا تولىق بەرە المايتىنىن ءتۇسىنۋ كەرەك - مينيستر
ق ر اقپارات جانە قوعامدىق دامۋ ءمينيسترى داۋرەن ابايەۆ زەينەتاقى قورىنداعى قاراجاتتىڭ ءبىر بولىگىن پايداعا جاراتۋعا قاتىستى وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
«مەملەكەت زەينەتاقى قورىنا جينالعان قاراجاتتىڭ ءبارىن ازاماتتارعا بەرە المايتىنىن ءتۇسىنۋ كەرەك. سەبەبى، مۇنداي جاعدايدا قاۋىپ دەڭگەيى جوعارى بولماق. زەينەتاقى قورىنداعى قاراجاتتى بۇگىن الىپ الۋ - كەيىن كەدەيلىككە دۋشار ەتپەيتىنىنە ەشكىم كەپىلدىك بەرە المايدى. ەرەجە ءبىرىڭعاي بولۋى ءتيىس. ونىڭ ۇستىنە ەلىمىزدە كەيىنگى جىلدارى ءومىر ءسۇرۋ ۇزاقتىعى دا ۇزارىپ بارا جاتقانىن ەستەن شىعارماۋ كەرەك. ورتا ەسەپپەن 10 جىلعا ۇزارىپ بارادى»، - دەدى ول «اشىق ديالوگ» باعدارلاماسىندا.
داۋرەن ابايەۆتىڭ ايتۋىنشا، زەينەتاقى قورىنا دەگەن ازاماتتاردىڭ تۇسىنىگىنە ماڭىز بەرۋ كەرەك.
«ازاماتتاردىڭ كوبى رەسمي جالاقىنى مينيمالدى تاريف ارقىلى الىپ، قالعانىن كونۆەرت ارقىلى العىسى كەلەدى. اينالىپ كەلگەندە وسىنىڭ ءبارى زەينەتاقى قورىنا اقشانى ازىراق اۋدارۋ ءۇشىن جاسالادى»، - دەدى مينيستر.
اۆتور: ايان بەكەن ۇلى
