يرانداعى ۇشاق قۇلاعان جەردەن زىمىران بولىگىنىڭ سۋرەتى پايدا بولدى
نۇر-سۇلتان. قازاقپارات – راكەتانىڭ ءارتۇرلى بۇرىشتان تۇسىرىلگەن سۋرەتتەرى جەلىدە پايدا بولدى.
بولجام بويىنشا، ولار يران استاناسىنداعى ۋكراينالىق جولاۋشىلار لاينەرىنىڭ قۇلاعان جەرىندە تۇسىرىلگەن دەپ حابارلايدى KAZ. NUR. KZ.
سۋرەتتەر باستاپقىدا Twitter الەۋمەتتىك جەلىسىندەگى يراندىق بەلسەندىلەردىڭ ءبىرىنىڭ جەكە بەتىندە پايدا بولدى. ول جازبانىڭ استىنا بۇل فوتوسۋرەتتەردە قايعىلى وقيعا بولعان جەردەن تابىلعان فراگمەنت بەينەلەنگەنىن مالىمدەدى دەپ جازادى «فاكتى» باسىلىمى.
ول سونداي-اق سۋرەتتە بەينەلەنگەن فراگمەنتتىڭ شىن مانىندە زىمىراننىڭ ءبىر بولىگى بولۋى مۇمكىن دەگەن وي ءتۇيدى. بريتاندىق بۇقارالىق اقپارات قۇرالدارى وكىلدەرىنىڭ ءبىرى، ەليوت حيگگينس ەسىمدى جۋرناليست جەلىدە تارالىپ جاتقان كادرلارعا قاتىستى پىكىر ءبىلدىردى.
ونىڭ سوزىنشە، ول اتالعان سۋرەتتەردىڭ بۇرىنعى كوشىرمەلەرىن جەلى كەڭىستىگىندە ىزدەپ، تابا الماعانىن ءسوز ەتتى. سونداي-اق، اتاپ وتىلگەندەي، سىرتقى ەرەكشەلىكتەرىنىڭ بولۋ سەبەبىنەن كادرلار تەكسەرىسكە جارامايدى.
جالپى قازىرگى تاڭدا سۋرەتتەردىڭ شىنايى ەمەس ەكەنى انىقتالعان.
ەسكە سالا كەتەيىك، 8- قاڭتاردا تاڭەرتەڭ يمام حومەيني اتىنداعى تەگەران حالىقارالىق اۋەجايىنان ۇشىپ شىققان ۋكراينالىق Boeing 737 لاينەرى اۋەگە كوتەرىلگەننەن كەيىن ەكى مينۋتتان سوڭ اپاتقا ۇشىرادى.
