وتا الدىندا قولدى جۋۋدى ويلاپ تاپقان دارىگەر كىم؟
نۇر-سۇلتان. قازاقپارات - كەز-كەلگەن مەديتسينا قىزمەتكەرى ىسكە كىرىسپەس بۇرىن قولىن جۋىپ، دەزينفەكسيا جاساۋعا مىندەتتى.
اتالمىش ەرەجە مەديتسينا الەمىنە ءجاي كەلە سالعان جوق. قولدى دەزينفەكسيالاۋدى 1846 -جىلى ۆەنگەر دارىگەرى يگناتس زەممەلۆەيس ويلاپ تاپقان.
اق حالاتتى گوسپيتالداردا اسىرەسە، بوسانۋ بولىمىندە ءولىم-ءجىتىمنىڭ كوپتىگىنە نازار اۋدارادى. جاعدايدى زەرتتەي كەلە دارىگەر ايەلدەردى بوساندىرۋعا مەديتسينا فاكۋلتەتىندە وقىپ جۇرگەن ستۋدەنتتەردىڭ كومەكتەسىپ جۇرگەنىن بىلەدى.
سويتسە ءدال سول ستۋدەنتتەر جۇقپالى اۋرۋلار بولىمىندە جۇمىس جاساپ، سونداي-اق مايىتتەردى اشۋعا قولعابىس ەتىپ جۇرگەن ەكەن. يگناتس بوسانۋعا كەلگەن كەلىنشەكتەردىڭ ولىمىنە قاۋىپتى بولىمدە قىزمەت ەتىپ جۇرگەن جاس شاكىرتتەردىڭ قولدى جۋماۋى سەبەپ ەكەنىن بىردەن تۇسىنەدى.
قاراپايىم ەرەجەنى ۇستانباۋ ادام تاعدىرىن شەشەتىنىنە كوز جەتكىزگەن ول كەيىننەن قولدى جۋۋ ەرەجەسى مەن مەديتسينا قۇرالدارىن ءار قولدانۋدان كەيىن حلورلى اكپەن تازالاۋدى ۇسىنادى. ءوز پىكىرىنە زەرتتەۋ جۇرگىزە كەلە ول ونىڭ پايداسىن دا كورەدى. الايدا زەممەلۆەيس كوزى تىرىسىندە بۇل جاڭالىعىنا ەشكىمدى سەندىرە الماي كەتتى.
«ساندىراعى» ءۇشىن گوسپيتالدان قۋىلادى. عالىمنىڭ اجالى دا ءدال سەپسيستەن (اعزاعا جۇقپالى اۋرۋدىڭ تۇتاس جايىلىپ كەتۋى) كەلگەن ەكەن.
oinet
