«ناعىز ەرتەگى»: دۋبايدا جۇمىس ىستەگەن قىز اراب ايەلدەرىنىڭ ءومىرى جايلى ايتىپ بەردى

بويجەتكەننىڭ ايتۋىنشا، ول ەشقاشان جاڭا ماماندىقتى يگەرىپ، شەتەلدە جۇمىس ىستەيمىن دەپ ويلاماعان.

 وعان تۋعان قالاسى نارىنداعى ءومىرى ۇناعان. الايدا تاعدىردىڭ جازۋى باسقا بولدى. ءبىزدىڭ كەيىپكەر مەدبيكەدەن بەت ارلەۋشىگە اينالعان. توعىز جىل دۋبايدا جۇمىس ىستەگەن سىرعا، ءوز اسەرىمەن ءبولىستى.

ونىڭ تۋىسقاندارىنىڭ ءبارى دارىگەر بولعان، سوندىقتان ونىڭ قانداي ماماندىق يەسى بولاتىنى جايلى ەشقانداي سۇراق تۋىنداماعان. بويجەتكەننىڭ دارىگەرلەر اۋلەتىنىڭ ءبىر مۇشەسى بولۋ كەرەكتىگى تۇسىنىكتى بولعان. مەكتەپ بىترگەن سوڭ، ول مەدۋچيليشەگە ءتۇسىپ، ديپلوم الدى، كەيىن ەمحاناعا جۇمىسقا ورنالاستى. ونىڭ ءومىرى ءبىرقالىپتى ءارى تىنىش بولىپ كورىنگەن، الايدا كەنەتتەن كەلگەن جاڭالىق ءبارىن تۇبەگەيلى وزگەرتتى. سىرعانىڭ جۇرەگى اۋىرعاندىقتان تاۋلى ايماقتاعى كليمات قارسى كورسەتىلگەن. سول سەبەپتى، تۋعان قالاسىنان بىشكەككە كوشۋگە تۋرا كەلدى.

 قالاداعى ەمحانالاردىڭ بىرىنە جۇمىسقا تۇردى. الايدا سول كەزدە سوۆەت وداعى تاراتىلىپ، سۇراپىل توقسانىنشى جىلدار باستالدى. ەلدەگى اۋىر ساياسي احۋال تۇرعىنداردىڭ ماتەريالدىق جاعدايىنا اسەرىن تيگىزبەي قويمادى. ۇلتتىق ۆاليۋتانى سومعا اۋىستىرعاننان كەيىن سىرعانىڭ جالاقىسى تەك قانا جۇمىسقا باراتىن جولاقىسىنا عانا جەتەتىن بولىپ شىقتى. سول ساتتە بويجەتكەن ءوز ماماندىعىن وزگەرتۋ جايلى ويلانا باستاعان.

قىزدارىنىڭ بۇل شەشىمىنە اتا- اناسى قارسى بولعان. ولار بالاسىنىڭ دارىگەر بولماۋىن ءتىپتى ەلەستەتە دە المادى. سىرعا تۋىسقاندارىنىڭ تۇسىنىسپەۋشىلىگىمەن جانە نارازىلىعىمەن بەتپە- بەت كەلدى، دەگەنمەن ءوز شەشىمىن وزگەرتكەن جوق.

 سول ساتتە جەلىلىك بيزنەس دامىپ كەلە جاتتتى. ارەناعا «وريفلەيم» جانە «مەري كەي» سىندى ماگناتتار شىعا باستادى. سىرعا بۇل ۇيىمداردا بەت ارلەۋدىڭ نەگىزدەرىن ۇيرەنە باستادى، كەيىن ءسان سالونىنا جۇمىسقا ورنالاستى. وكىنىشكە قاراي، ول جىلدارى ءسان الەمى ءدال قازىرگىدەي دامىماعان. قاراپايىم حالىقتىڭ بەت ارلەۋشى مەن كوسمەتولوگقا باراتىنداي قاراجاتى بولمادى. مامانعا جۇگىنگەنشە بەت ارلەۋمەن وزدەرى اينالىسۋدى ءجون سانادى. سىرعا كليەنتتەردى وزدىگىمەن ىزدەپ، ولارعا بەت ارلەۋدىڭ نە ەكەنىن جانە ونىڭ قانداي قاجەتتىلىگى بار ەكەندىگىن تۇسىندىرۋگە تۋرا كەلدى. ۋاقىت وتە كەلە كوپتەگەن ارۋلاردى ءوز ارتىنان ەرگىزە الدى. ايىنا ەكى مىڭ دوللارداي قارجات تابا باستادى. بۇنداي جالاقى جايلى ءاربىر مەدبيكە ارمانداۋشى ەدى. بىلىكتىلىگىن ارتتىرۋ ءۇشىن سىرعا ماسكەۋگە بارىپ كەلدى، كەيىن ەۋروپادا مانساپ قۇرۋعا شەشىم قابىلدادى.

جيىرما جەتى جاسىندا تۋىستارىنىڭ نارازىلىعىنا قاراماستان ءبىزدىڭ كەيىپكەر چەحيانىڭ استاناسى پراگاعا جول تارتتى. ءسان سالونىنا جۇمىسقا تۇرۋعا ۇمىتتەنىپ ەدى، ءبىراق ءبارى ونداي وڭاي بولعان جوق. بىرىنشىدەن، سىرعا ءتىل بىلمەدى، ەكىنشىدەن، جەرگىلىكتى ازاماتشالار بەت ارلەۋدى قونىس اۋدارعان ەميگرانتقا سەنىپ تاپسىرا المادى. چەح ءتىلىن مەڭگەرگەنىنە قاراماستان، سىرعا ءسان الەمىندە ءوز ورنىن تابا المادى.

ءوز- ءوزىن قامتاماسىز ەتۋ ءۇشىن سىرعا داياشى بولىپ تا، ەدەن جۋۋشى بولىپ تا جۇمىس ىستەدى. ءتورت جىلدا جەتكىلىكتى سوماداعى قاراجاتىن جيناپ، ول بىشكەككە قايتا ورالدى. ماڭداي تەرىمەن تاپقان اقشاعا ءوز ەلىندە كولىك جانە پاتەر ساتىپ الدى.

سىرعا بىشكەكتە كوپ ايالدامادى. دۋبايداعى جۇمىس جايلى حابارلاندىرۋدى كورگەن سوڭ، ءوتىنىم قالدىرۋعا بەل بۋدى. جۇمىس بەرۋشى- ليۋكس سەگمەنتىندەگى كوسمەتيكانى ءوندىرۋشى بولىپ شىقتى. قىرعىزستانعا كەلگەن باسشىلىق سىرعانى سۇحباتتاسۋعا شاقىردى. جۇمىسقا تۇرۋدىڭ باستى شارتى اعىلشىن ءتىلىن ءبىلۋ، ال سىرعا مەكتەپ قابىرعاسىندجا نەمىس ءتىلىن وقىعان، سول سەبەپتى اعىلشىن ءتىلى ول ءۇشىن جات بولدى. سىڭىلىلەرىنە ءوز- ءوزىن تانىستىراتىن ءماتىن جازىپ بەرۋىن ءوتىنىپ، جۇمىس بەرۋشىلەردىڭ الدىندا مونولوگتى تولىعىمەن جاتتاپ ايتىپ بەردى.

جۇمىس بەرۋشىلەر سىرعانىڭ اعىلشىن تىلىندە ەركىن سويلەۋىنە تاڭداي قاعىپ، جىلى لەبىز ءبىلدىردى. سودان كەيىن وعان ماكياج جاساپ كورسەتۋدى ءوتىندى. ءساتتى اياقتالعان سىناقتان كەيىن وعان دۋبايداعى كوسمەتيكا ساتاتىن سالون- دۇكەننەن جۇمىسقا تۇرۋعا ۇسىنىس ءتۇستى، جالاقىسى ەكى مىڭ دوللار! ارينە، سىرعا بىردەن كەلسىمىن بەردى.

چەحياعا قاراعاندا دۋبايدا جۇمىس ىستەۋ الدەقايدا جەڭىل ەكەنىن سىرعا مويىندايدى. باستى سەبەپ، جەرگىلىكتى تۇرعىنداردىڭ ەميگرانتتارعا دەگەن قارىم- قاتىناسى. ەۋروپادا مەنسىنبەۋشىلىكپەن قاراسا، ال بۇل جەردە تۇرعىندار جىلى قارسى الدى.

 اراب ايەلدەرىنىڭ مەيىرىمدىلىگى مەن دوستىعىنا سىرعا قاتتى تاڭعالعان. اعىلشىن ءتىلىن ەركىن بىلمەگەندىكتەن، كوپ نارسەنى تۇسىنبەي قالىپ جاتقان جاعدايدا وعان: «ەشتەڭە ەتپەيدى. ەگەر سەن وسى جەردە جۇمىس ىستەسەڭ، دەمەك، ساعان سەنۋگە بولادى» .

ءبىزدىڭ كەيىپكەرىمىزبەن بىرگە دۇكەندە رەسەي، قازاقستان، قىرعىستاننان كەلگەن قىزدار جۇمىس ىستەگەن. جاتىن جەرى ءۇشىن ايىنا 300 دەن 500 دوللارعا دەيىن تولەگەن، ءبىراق شىعىن تولىقتاي اقتالعان. نەگىزگى تابىس ۇيگە بارىپ ماكياج جاساۋدان كەلگەن: سىرعا اراب ايەلدەرىنىڭ بەتىن ارلەگەن. ءدال سول ارقىلى اراب ايەلدەرىنىڭ كۇندەلىكتى ءومىرى جايلى بىلە باستاعان.

 اراب ايەلدەرىنىڭ ءومىرى ناعىز ەرتەگى دەپ سەنىممەن ايتۋعا بولادى. ولار تاڭعى وندا ويانادى. بۇل ۋاقىتقا قاراي قىزمەتشىلەر تاڭعى اس ازىرلەپ، كيىمدەرىن دايىنداپ قويادى. بالالارمەن بالا كۇتۋشى اينالىسادى. ۇيدە اراب ايەلدەرى حيدجاب كيمەيدى: ولار ءساننىڭ سوڭعى ۇلگىسى بويىنشا كيىنەدى، ءبىراق ونى تەك قانا كۇيەۋى جانە باسقا ايەلدەر عانا كورە الادى. دالادا ۇزىن، جابىق حيدجابپەن جۇرەدى.

 ولار ءۇش قاباتتى ءزاۋلىم ۇيلەردە تۇرادى، ونىڭ ىشىندە ليفت جانە حاۋىز بار. ايتا كەتەتىن ءبىر ءجايت، ءۇي ەر ادامدار جانە ايەل ادامدار ءۇشىن ەكىگە بولىنەدى، ماسەلەن، قوناققا كەلگەن بوتەن ەر كىسىلەر شەيحتىڭ ايەلىن حيدجابسىز كورىپ قويماۋ ماقساتىندا ءۇيدىڭ ءبىرىنشى بولىگىندە كۇتىلەدى.

كوپ ايەل الۋ بۇل جاقتا كەڭىنەن تارالعان. اراب شەيحتەرى داۋلەتتى بولعاندىقتان بىرنەشە ايەل الىپ، ولاردىڭ جاعدايىن تولىقتاي جاساي الادى. ايەلدەر اراسىندا وشپەندىلىك پەن باسەكەلەستىك جوق. كەرىسىنشە، ولار وتە تاتۋ جانە ءبىر- بىرىمەن جاقسى ءتىل تابىسادى. ولار ءۇشىن ەڭ سۇيىكتى ويىن- ساۋىق ءتۇرى شوپينگ. دۇكەنگە كىرگەندە، ولار ەشقاشان كيىمنىڭ باعاسىنا قارامايدى. ۇناعان تاۋاردى كاسساعا قويىپ، ايتىلعان سومانى تولەيدى. بۋتيككە ءبىر كەلگەندە ءۇش- ءتورت مىڭ دوللار جۇمسايدى.

ارابتار مەن شەتەلدىكتەر اراسىنداعى نەكە سيرەك كەزدەسەدى. وزگە ەلدىڭ ايەلى ەشقاشان ولاردىڭ قاتارىنا قوسىلا المايدى، ول تەك گارەمنىڭ ءبىر مۇشەسى عانا بولۋى مۇمكىن، ۇزاق ۋاقىت ەمەس. اجىراسقان سوڭ بالالار اكەسىنىڭ قاسىندا قالادى.