مۋزىكانىڭ ساۋداعا اسەرى
نۇر-سۇلتان. قازاقپارات - سۋپەرماركەتكە، ساۋدا ورىندارىنا، دۇكەندەرگە بارساق، جاي عانا تاۋار تولى سورەلەر مەن كيىم ىلىنگەن ىلگىشتەردى كورمەيمىز، ىشكى بۇلقىنىستارىمىزدى ۇمىتتىراتىن وزگە الەمگە ەنىپ كەتكەندەي بولامىز.
اسىرەسە مەرەكە كەزىندە ءار بولشەك تۇتىنۋشىنىڭ نازارىن اۋدارۋعا، كوڭىلىن كوتەرۋگە باعىتتالادى. اسىرەسە اۋەن قوسىلىپ تۇرسا، ول ادامنىڭ كوڭىل كۇيىنە ەكى ەسە اسەر ەتەدى. ونىڭ وزىندىك ەرەجەلەرى دە بار دۇكەندەگى اۋەن داۋىسى تىم قاتتى، تۇتىنۋشىنى جالىقتىرىپ الماۋى كەرەك. اۋەن قوسىلىپ تۇرسا دا ادامدار ءبىر- بىرىمەن سويلەسۋىنە كەدەرگى كەلتىرمەيتىندەي بولۋى شارت. ءتىپتى تاۋاردىڭ باعاسى، ساپاسى تۋرالى تۇتىنۋشىلار ءوزارا سىبىرلاسىپ سويلەسسە دە داۋىسى ءبىر- بىرىنە ەستىلەتىندەي، اۋەن كەدەرگى كەلتىرمەيتىندەي بولادى.
جىلدام ىرعاقتى ءان بولسا، تۇتىنۋشىلار دا وزدەرىنىڭ قالاي جىلدام قوزعالىپ كەتكەنىن بىلمەي قالادى ەكەن. وسىنى بىلەتىن مەنەدجەرلەر تاماقتاناتىن جەرلەردە ادام كوپ بولسا، باسقالار كەزەك كۇتىپ تۇرماس ءۇشىن، جىلدام وينالاتىن اۋەن قويادى ەكەن. ال ادام از بولسا، اسىقپاي وتىرىپ تاعى دا تاپسىرىس بەرسىن دەگەن نيەتپەن باياۋ اۋەن قويادى ەكەن. ال اياق كيىم، كيىم، كوسمەتيكا سەكىلدى ۇزاق ۋاقىت تاڭداۋدى قاجەت ەتەتىن تاۋارلار ساتاتىن جەردە باياۋ ءان قويىلادى. اۋەن تاڭداۋدا كەلەتىن تۇتىنۋشىلاردىڭ جاس شاماسىنا دا كوڭىل ءبولۋ كەرەك ەكەن. جاستار كوپ جينالاتىن جەردە كوڭىلدى كوتەرەتىن، زاماناۋي اۋەندەردى قوسادى. ال ەگدە جاستاعىلارعا ارنالعان تاۋار ساتاتىن بولسا، سول ادامداردىڭ جاستىق شاعىنا ءتان، باياۋ اۋەندەردى قوسۋ كەرەك. تاۋارىڭىز جاقسى وتكەنىن قالاساڭىز، قانداي اۋەندەر قوسۋعا بوملايتىنىن دا بىلگەن ءجون.
ەسكى ماحابباتتى، ومىردەن وتكەن اتا- انانى، تۋىستاردى ەسكە سالاتىن مۇڭدى اۋەندەر قوسۋدىڭ قاجەتى جوق. سونىمەن قاتار جاڭادان شىققان حيت اندەردى دە ويناتۋ جاقسى تاڭداۋ ەمەس، ويتكەنى تۇتىنۋشىلاردىڭ نازارى تاۋاردان اۋىتقىپ، انگە باسا ءمان بەرىپ كەتۋى دە مۇمكىن. دۇكەندەرگە روك، شانسون، كلاسسيكا سەكىلدى جانرلارداعى اۋەندەر دە سايكەس كەلمەيدى. سەبەبى بۇل باعىتتاعى اندەردى كەيبىرى ءسۇيىپ تىڭداسا، ەندى ءبىرى جەك كورۋى ىقتيمال.
Massaget.kz
