قازاقستاندىق اۋە كومپانيالارىنا يرانعا ۇشۋدى توقتاتا تۇرۋ ۇسىنىلدى

«قازاقستاندىق اۋە كومپانيالار قالىپتاسقان جاعدايعا بايلانىستى كورسەتىلگەن ۇشۋلاردى ءتيىستى ەلدەردىڭ ناۆيگاتسيالىق قىزمەتتەرىنىڭ كەلىسىمى بويىنشا يران اۋە كەڭىستىگىنە بالامالى اۋە جولدارى ارقىلى ورىنداۋ ماسەلەسىن پىسىقتاۋدا» ، دەلىنگەن حابارلامادا.

ەسكە سالا كەتسەك، قازىرگى ۋاقىتتا يراننىڭ اۋە كەڭىستىگى ارقىلى ەكى قازاقستاندىق اۋە تاسىمالداۋشى - «ەير استانا» جانە «SCAT» تۇراقتى رەيستەردى ورىندايدى.

«ەير استانا» اۋە كومپانياسى يران اۋە كەڭىستىگى ارقىلى نۇر- سۇلتان - دۋباي (اپتاسىنا 5 رەت) جانە الماتى - دۋباي (اپتاسىنا 10 رەت) باعىتتارى بويىنشا ۇشۋلاردى ورىندايدى.

«SCAT» اۋە كومپانياسى يران اۋە كەڭىستىگى ارقىلى الماتىدان مەدينا مەن جيددھعا (اپتاسىنا ءبىر رەت) ەكى تۇراقتى رەيستى جانە الماتى - شارم ەل- شەيح جانە شىمكەنت - شارم ەل- شەيح باعىتتارى بويىنشا ەكى تۇراقتى ەمەس رەيستى ورىندايدى.

سونىمەن قاتار، ب ا ءا اۋە كومپانيالارى «Fly Duba» - (دۋباي - نۇر- سۇلتان - اپتاسىنا 5 رەيس، دۋباي - الماتى - اپتاسىنا 7 رەيس) ، «ەtihad» (ءابۋ- دابي - نۇر- سۇلتان - اپتاسىنا 2 رەيس) «Air Arabia» (شاردجا - الماتى- اپتاسىنا 5 رەيس) يراننىڭ اۋە كەڭىستىگى ارقىلى قازاقستانعا تۇراقتى ۇشۋلاردى (بارلىعى اپتاسىنا 19 رەيس) ورىندايدى. «Mahan Air» يراندىق اۋە كومپانياسى تەگەران - الماتى باعىتى بويىنشا تۇراقتى تۇردە ۇشادى.

ايتا كەتەرلىگى، 8 - قاڭتاردا تەگەران ۋاقىتىمەن ساعات 6:00 دە يمام حومەيني اتىنداعى اۋەجايدان تەگەران- كيەۆ باعىتىمەن ۇشىپ شىققان «ۋكراينا حالىقارالىق اۋە جەلىلەرى» اۋە كومپانياسىنىڭ Boeing-737 ۇشاعى اپاتقا ۇشىرادى. ونىڭ بورتىنداعى 168 جولاۋشى مەن 9 ەكيپاج مۇشەسى تۇگەلگە جۋىق قازا تاپتى.