قازاقستاندىق ۇشاقتار يراك پەن يراننىڭ اۋە كەڭىستىگىنەن وتپەيتىن بولدى
نۇر- سۇلتان. قازاقپارات - Air Astana اۋە كومپانياسى الماتى مەن استانا قالالارىنان دۋبايعا ۇشاتىن ۇشاقتاردىڭ باعىتىن وزگەرتتى.
ەندى ولار يراك پەن يراننىڭ اۋە كەڭىستىگىنەن وتپەيدى، دەپ حابارلايدى قازاقپارات كومپانيانىڭ باسپا ءسوز قىزمەتىنە سىلتەمە جاساپ.
دەگەنمەن ۇشۋ ۋاقىتى تومەندەگىدەي ۇزارتىلادى:
الماتى - دۋباي 20 مينۋتقا،
دۋباي - الماتى 10 مينۋتقا،
نۇر- سۇلتان - دۋباي 55 مينۋتقا،
دۋباي - نۇر- سۇلتان 35 مينۋتقا.
«AirAstana وقيعا بارىسىن باقىلاۋدا ۇستاپ، وزگەرىستەر بولسا كوپشىلىككە حابار بەرەدى. جولاۋشىلاردان ۇشۋ كەستەسىن airastana.com سايتىنان نەمەسە تومەندە كورسەتىلگەن برونداۋ جانە اقپارات ورتالىعىنا حابارلاسىپ ناقتىلاپ الۋدى سۇرايمىز:
2444477 (الماتىدان) جانە 584477 (قازاقستاننىڭ باسقا قالالارىنان) ، سونىمەن قاتار 77027024477 ءنومىرى بويىنشا» ، دەلىنگەن حابارلامادا.
