قازاقستاندا قاڭتاردان باستاپ جانارماي باعاسى ءوستى

بۇل تۋرالى Sputnik قازاقستان حابارلايدى.

2020-جىلدىڭ 1- قاڭتارىنان باستاپ بەنزين اكتسيزى ەكى ەسەدەن ارتىق - تونناسىنا 10500 تەڭگەدەن 24435 تەڭگەگە دەيىن كوتەرىلەدى. بۇل ءوز كەزەگىندە بەنزين باعاسىنا اسەر ەتەدى. بەنزين باعاسى ليترىنە 10 تەڭگەگە وسەدى.

قازاقستان ۇكىمەتى بەنزين باعاسىنىڭ ءوسۋى ينفلياتسياعا قاتتى اسەر ەتپەيدى دەپ سەندىرىپ وتىر.

پرەمەر-ءمينيستردىڭ ءبىرىنشى ورىنباسارى، قارجى ءمينيسترى ءاليحان سمايىلوۆتىڭ ايتۋىنشا، مۇناي ونىمدەرى اكتسيزىن ءوسىرۋ الەۋمەتتىك سالاعا بولىنەتىن بيۋجەتتىك قارجىنىڭ ورنىن تولتىرۋ قاجەتتىلىگىنەن تۋىندادى.

«رەسپۋبليكالىق بيۋجەت جوباسىندا الەۋمەتتىك سالاعا التى تريلليون تەڭگەگە جۋىق قاراجات قاراستىرىلعان. 2019-جىلى بۇل ماقساتقا 5,3 تريلليون تەڭگە بولىنگەن ەدى»، - دەپ اتاپ ءوتتى سمايىلوۆ.

بۇدان بولەك، ميكرو جانە شاعىن بيزنەستىڭ ءۇش جىلعا سالىقتان بوساتىلۋى رەسپۋبليكالىق بيۋجەتتىڭ كىرىس بولىگىن ازايتادى.

تاعى ءبىر فاكتور - كورشى ەلدەردەگى، اتاپ ايتساق، رەسەيدەگى بەنزين باعاسى، دەيدى ۇكىمەتتەگىلەر. ماسەلەن، بىزدە اي-91 باعاسى 163 تەڭگە بولسا، رەسەيدە ليترى 260 تەڭگە ەكەن.

بەنزين اكتسيزىن كوتەرۋ ناتيجەسىندە مەملەكەتتىك بيۋجەتكە قوسىمشا 50 ميلليارد تەڭگە تۇسەدى دەپ كوزدەلگەن.

ايتا كەتەيىك، 1- قاڭتاردان باستاپ قازاقستاندا الەۋمەتتىك جاردەماقىلار كولەمى وزگەرەدى.