اۋەجايدا جولاۋشىلار ۇشاعى وقىس جاعدايعا تاپ بولدى
ىستانبۇل. انادولۋ. قازاقپارات - ىستانبۇلداعى سابيحي گەكچەن اتىنداعى اۋەجاي سەيسەنبى، 7- قاڭتار كۇنى جولاۋشىلار ۇشاعىنىڭ وقىس جاعدايعا تاپ بولۋىنا بايلانىستى جۇمىسىن توقتاتتى، دەپ حابارايدى قازاقپارات «انادولۋ» اگەنتتىگىنە سىلتەمە جاساپ.
Pegasus Airline اۋە كومپانياسىنىڭ بورتى ب ا ءا شاردجا قالاسىنداعى حالىقارالىق اۋەجايدان كەلگەن بولاتىن.
ىستانبۇل گۋبەرناتورى كەڭسەسىنىڭ حابارلاۋىنشا، وقىس جاعداي جەرگىلىكتى ۋاقىت بويىنشا تاڭعى ساعات 9.43- تە اۋا رايىنىڭ بۇزىلۋىنا بايلانىستى بولدى. ياعني ۇشاق ۇشىپ قونۋ الاڭىنان شىعىپ كەتكەن.
ۇشاقتاعى 164 جولاۋشىنىڭ بارلىعى ەۆاكۋاتسيالاندى، ەشكىم زارداپ شەككەن جوق.
