الەم حالقىنىڭ تورتتەن بىرىندە سۋ تاپشىلىعى ءورشىپ تۇر - زەرتتەۋ

 سۋدىڭ جەتىسپەۋشىلىگى مەن ەكسترەمالدى اۋا رايى تاياۋ شىعىس پەن ءۇندىستاندا وسى ماسەلەگە قاتىستى شيەلەنىستى كۇشەيتتى، دەپ حابارلايدى قازاقپارات The Guardian باسىلىمىنا سىلتەمە جاساپ.

اۆتوردىڭ ايتۋىنشا، سوڭعى ون جىلدا سۋعا قاتىستى زورلىق- زومبىلىق وقيعالارى الدىڭعى ونجىلدىققا قاراعاندا ەكى ەسە ارتقان. بۇل تۋرالى كاليفورنيا عالىمدارى زەرتتەۋ جۇرگىزدى.

«بۇل تەندەنتسيا حالىق سانىنىڭ ارتۋى، ەكسترەمالدى اۋا رايى، كليماتتىق داعدارىس ناتيجەسىندە پايدا بولعان الاڭداۋشىلىقتى سۋرەتتەيدى» ، دەپ جازادى باسىلىم.

اۆتوردىڭ ايتۋىنشا، 1980 -جىلى قۇرىلعان بازا سۋدىڭ قارۋ نەمەسە شيەلەنىس قۇرالى، ءتىپتى اسكەري تريگگەرگە اينالعان كەزدەرى بولعانىن بايقاۋعا بولادى.

«مىسالى، بىلتىر ماۋسىم ايىندا ۋكراينادا گورلوۆاكا سۋ قۇبىرىنا شابۋىل جاسالىپ، 3 ميلليون ادامنىڭ سۋعا قولجەتىمدىلىگى كەمىدى، 2017 -جىلى ءۇندىستاندا سۋعا قاتىستى نارازىلىقتا بەس فەرمەر اتىلدى، 2012 -جىلى باتىس پاپۋادا سۋ سيستەرنالارى اتقىلاندى. وتكەن ونجىلدىقتا سۋعا قاتىستى قاستاندىق وقيعالارى يراك، يەمەن، افريكاداعى ساحەليا اۋدانىندا دا بولدى» ، دەپ جازادى باسىلىم.

اۆتوردىڭ ايتۋىنشا، الەمدىك رەسۋرستار ينستيتۋتىنىڭ عالىمدارى الەم حالقىنىڭ تورتتەن ءبىرى تۇراتىن 17 مەملەكەتتە سۋ تاپشىلىعى ءورشىپ تۇرعانىن ايتقان.