قار، بۇرقاسىن جانە كوكتايعاق - الداعى ءۇش كۇنگە اۋا رايى بولجامى
نۇر-سۇلتان. قازاقپارات - سينوپتيكتەر 7-9- قاڭتارعا ارنالعان اۋا رايى بولجامىن جاريالادى، دەپ حابارلايدى قازاقپارات قازگيدرومەتكە سىلتەمە جاساپ.
«قازاقستاننىڭ وڭتۇستىك وبلىستارىنا جىلجىعان تسيكلون سالدارىنان جاۋىن-شاشىن (كوبىنەسە جىلبىسقى قار)، تۇمان، كوكتايعاق جانە اۋا تەمپەراتۋراسىنىڭ ازداپ تومەندەۋى كۇتىلەدى. ال رەسپۋبليكانىڭ باسقا ايماقتارى رەسەيدىڭ ەۋروپالىق بولىگىنەن كوشكەن اتموسفەرالىق اعىنداردىڭ ىقپالىندا بولادى، سوعان بايلانىستى كەي جەرلەردە قار جاۋىپ، بۇرقاسىن بولادى، باتىستان ەكپىندى جەل سوعادى جانە اۋا تەمپەراتۋراسىنىڭ تومەندەۋى بولجانۋدا»، دەلىنگەن حابارلامادا.
كۇننىڭ سۋىتۋىنا قاراماستان اۋا تەمپەراتۋراسى كليماتتىق نورمادان جوعارى بولادى، تەك وڭتۇستىكتە جانە شىعىستا ورتاشا كليماتتىق نورما جاقىن اۋا تەمپەراتۋراسى كۇتىلەدى.
