يراك دەپۋتاتتارى ەلدەن شەتەلدىك اسكەريلەردى شىعارۋ تۋرالى رەزوليۋتسيا قابىلدادى
بريۋسسەل. قازاقپارات - يراك دەپۋتاتتارى ۇكىمەتتى ا ق ش جانە باسقا دا شەتەلدىك اسكەرلەردى ەل اۋماعىنان شىعارۋ ءۇشىن شەشىم قابىلداۋعا شاقىردى، دەپ حابارلايدى قازاقپارات ءتىلشىسى.
«يراك ۇكىمەتى كەز كەلگەن شەتەلدىك اسكەرلەردىڭ يراك جەرىن، اۋە جانە سۋ جولدارىن پايدالانۋىنا تىيىم ەنگىزۋگە كۇش سالۋى كەرەك»، - دەلىنگەن جەكسەنبى كۇنى قابىلدانعان قۇجاتتا.
پارلامەنتتىك رەزوليۋتسيا ۇكىمەت ءۇشىن زاڭ سياقتى مىندەتتى بولىپ سانالمايدى. الايدا بۇعان دەيىن يراك پرەمەر-ءمينيسترى ادەل ابدۋل ماحدي دەپۋتاتتاردى شەتەلدىك اسكەريلەردىڭ قاتىسۋىمەن جاسالاتىن ارەكەتتەردى مەيىلىنشە جىلدامداتىپ اياقتاۋعا شاقىرعان ەدى.
پارلامەنتتە داۋىس بەرۋ ا ق ش- تىڭ اۋە سوققىسى جاسالعاننان كەيىن بولدى.
ەسكە سالساق، 3- قاڭتاردا باعدات حالىقارالىق اۋەجايىنا جاسالعان راكەتا شابۋىلىنان 8 ادام كوز جۇمدى. راكەتالار «ال-حاشد اش-شاابي» شيت جاساعىنا قارسى باعىتتالعان بولاتىن. كەيىننەن بۇل امەريكالىق پەنتاگوننىڭ وپەراتسياسى ەكەنى بەلگىلى بولدى.
ايتا كەتەيىك، راكەتا شابۋىلىنان قازا تاپقاندار اراسىندا يراندىق يسلام ريەۆوليۋتسياسى اسكەرلەرى كورپۋسىنىڭ ارنايى ماقساتتاعى «ال كۋدس» قارۋلى كۇشتەرىنىڭ قولباسشىسى كاسەم سۇلەيماني دە بار.
ال، ا ق ش پرەزيدەنتى ترامپ يراننىڭ ماڭىزدى نىساندارىن اتقىلاۋ مۇمكىندىگىن جوققا شىعارمادى.
