قازاقستاندا تۇرعىنداردىڭ تىنىشتىعىن بۇزۋ فاكتىسى ءۇشىن جازا كۇشەيتىلدى
اتاپ ايتقاندا، تىنىشتىقتى بۇزۋ جاعدايىندا جاۋاپكەرشىلىكتى كۇشەيتۋ قادامدارى 437-باپتا ەسكەرىلگەن. ياعني جەكە تۇلعالاردىڭ قالىپتى دەمالىسى مەن تىنىشتىعىنا كەدەرگى كەلتىرەتىن، تۇنگى ۋاقىتتا (ساعات 23 تەن تاڭعى 6 عا دەيىن) تىنىشتىقتى بۇزۋ، ونىڭ ىشىندە تۇرعىن ءۇي- جايلاردا جانە ولاردىڭ سىرتىندا شۇعىل قاجەتتىلىكپەن بايلانىسى جوق شۋ شىعاراتىن جۇمىستاردى جۇرگىزۋگە بايلانىستى ءتيىستى جازانى قاراستىرىپ وتىر.
«.. .437-باپتا: ءبىرىنشى بولىكتىڭ ەكىنشى ابزاتسى مىناداي رەداكتسيادا جازىلسىن: «جەكە تۇلعالارعا - بەس، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا - جيىرما، ورتا كاسىپكەرلىك سۋبەكتىلەرىنە - وتىز، ءىرى كاسىپكەرلىك سۋبەكتىلەرىنە ءبىر ءجۇز ايلىق ەسەپتىك كورسەتكىش مولشەرىندە ايىپپۇل سالۋعا الىپ كەلەدى» ، - دەلىنگەن مەملەكەت باسشىسى قول قويعان زاڭدا.
سونىمەن قاتار، ەكىنشى بولىكتىڭ ەكىنشى ابزاتسى دا جاڭا رەداكسيادا (اكىمشىلىك جازا قولدانىلعاننان كەيىن بىر جىل ىشىندە قايتالاپ جاسالعان ءدال سول ارەكەت) جازىلعان.
«جەكە تۇلعالارعا - ون، شاعىن كاسىپكەرلىك سۋبەك تىلەرىنە نەمەسە كوممەرتسيالىق ەمەس ۇيىمدارعا - قىرىق، ورتا كاسىپكەرلىك سۋبەكتىلەرىنە - الپىس، ءىرى كاسىپكەرلىك سۋبەكتىلەرىنە ءبىر ءجۇز ەلۋ ايلىق ەسەپتىك كورسەتكىش مولشەرىندە ايىپپۇل سالۋعا الىپ كەلەدى» ، - دەپ اتاپ وتىلگەن زاڭ ماتىنىندە.
وسىلايشا، تىنىشتىق بۇزعانى ءۇشىن، ونىڭ ىشىندە قايتالانىپ جاسالعان ارەكەتكە جەكە تۇلعالارعا ايىپپۇل سوماسى وزگەرمەگەن، ال كاسىپكەرلىك سۋبەكتىلەرىنە شامامەن ەكى ەسەگە ارتقان.
بۇدان بۇرىن حابارلانعانداي، اكىمشىلىك قۇقىق بۇزۋ تۋرالى كودەكسكە وزگەرىستەر ەنگىزىلدى.
