يراكتا شابۋىلدا قازا تاپقانداردى ازا تۇتىپ، مارش ۇيىمداستىردى

جينالعانداردىڭ كوبىنىڭ قولىندا يراكتىڭ مەملەكەتتىك تۋى جانە يراكتاعى ءبىرقاتار قارۋلى توپتاردىڭ (اراسىندا «حالىقتىق موبيليزاتسيالاۋ كۇشتەرى» توبى دا بار) جالاۋشالارى بولدى.

ءبىر كۇن بۇرىن باعدات اۋەجايىنداعى شابۋىل كەزىندە يسلام رەۆوليۋتسياسى ساقشىلارى كورپۋسىنىڭ ەليتالىق جاساعىنىڭ قولباسشىسى گەنەرال كاسەم سۋلەيمانيمەن بىرگە «حالىقتىق موبيليزاتسيالاۋ كۇشتەرى» توبى جەتەكشىلەرىنىڭ ءبىرى قازا تاپقان ەدى. ساراپشىلار بۇل شابۋىل ايماقتاعى جاعدايدى ونان سايىن ۋشىقتىرىپ جىبەرەدى دەپ بولجايدى. يران گەنەرالدى ولتىرگەنى ءۇشىن ا ق ش- تان «كەك الاتىنىن» ايتتى.

4- قاڭتاردا مارشقا قوسىلعاندار اراسىندا يراك پرەمەر-ءمينيسترى ءادىل ابدۋل-ماحدي دە بولدى. جينالعاندار ۇكىمەت عيماراتتارى ورنالاسقان «جاسىل ايماقتان» شييتتەردىڭ كاربالا جانە ءال-نادجاف قالالارىنا قاراي ءجۇرىپ شىعۋدى جوسپارلادى.

ب ۇ ۇ- داعى يران ەلشىسى مادجيد راۆانچي 3- قاڭتاردا كەشكە شابۋىلدى «ءىس جۇزىندە ا ق ش- تىڭ يران حالقىنا جاساعان سوعىس امالى» دەپ اتادى.

«وتكەن ءتۇنى ولار سوعىس باستادى، جوعارى لاۋازىمدى گەنەرالداردىڭ بىرىنە تەررورلىق شابۋىل ۇيىمداستىردى. يرانعا ەندى تاعى نەنى كۇتۋى كەرەك؟ ءبىز ءۇنسىز قاراپ وتىرا المايمىز. ارەكەت ەتۋىمىز كەرەك جانە ارەكەت ەتەمىز دە» دەدى راۆانچي CNN ارناسىنا.

3- قاڭتاردا ا ق ش پرەزيدەنتى دونالد ترامپ «سوعىستى توقتاتۋ ءۇشىن» يراننىڭ اسكەري قولباسشىسى كاسەم سۋلەيمانيگە شابۋىل جاساۋعا بۇيرىق بەرگەنىن مالىمدەدى. ونىڭ ايتۋىنشا، گەنەرال باعداتتا ا ق ش پەن ونىڭ وداقتاستارىنا قارسى «قاتەرلى» شابۋىلدار ۇيىمداستىرعان.

باعدات اۋەجايىنداعى شابۋىلدان كەيىن شامامەن ءبىر تاۋلىك وتكەن سوڭ يران قولدايتىن قارۋلى توپتارعا شابۋىل جاسالعانى تۋرالى حابار تارادى. اقپارات بويىنشا 4- قاڭتاردا ەرتە باعدات سولتۇستىگىندەگى تادجي لاگەرى جانىندا يران قولدايتىن قارۋلى توپ شەبىنە درونمەن شابۋىل جاسالعان. يراكتاعى ا ق ش باستاعان كواليتسيا وكىلى اسكەري كۇشتەردىڭ 4- قاڭتاردا اۋە شابۋىلىن جاساماعانىن ايتتى. يراك اسكەريلەرى دە شابۋىل بولعانىن جوققا شىعاردى.

يران بيلىگىنىڭ حابارلاۋىنشا، سۋلەيمانيدى 7- قاڭتاردا تۋعان قالاسى كەرمانعا جەرلەمەك.

«ازاتتىق»