نيدەرلاندىدا تۋريستەر ءۇشىن سالىق ەنگىزىلدى

جاڭا سالىق 2020-جىلدىڭ 1- قاڭتارىنان باستاپ ىسكە قوسىلدى، دەپ حابارلايدى قازاقپارات The Telegraph باسىلىمىنا سىلتەمە جاساپ.

«جاڭا جىلدى امستەردامدا قارسى العان تۋريستەر بۇل ارەكەتىنە وكىنگەن بولۋى مۇمكىن. سەبەبى ولار قالادا قالۋى ءۇشىن ءبىر تۇنگە 3 دوللار سالىق تولەۋى ءتيىس»، - دەپ جازادى باسىلىم.

باسىلىمنىڭ حابارلاۋىنشا، جاڭا سالىق قوناق ۇيدەگى بولمە باعاسىنىڭ 7 پايىزىن قامتيتىن تولەمدى تولىقتىرىپ تۇر. ال Airbnb ارقىلى بولمە جالعا العان تۋريستەر تۇنىنە بۇدان دا كوپ اقشا تولەيدى، ناقتىراق ايتساق، بولمە باعاسىنىڭ ون پايىزىن بيۋجەتكە قالدىرادى.

1,1 ميلليون تۇرعىنى بار امستەردام قالاسىنا جىلىنا 17 ميلليون تۋريست كەلەدى. قالا تۇرعىندارى شۋ مەن باسقا دا كەلەڭسىزدىكتەرگە شاعىمدانعان سوڭ، بيلىك وسىنداي ستراتەگيا قابىلداپ وتىر. قالا اكىمشىلىگى تۋريستىك سالىق قالاداعى تۋريستەر اعىنىن رەتتەۋگە كومەگىن تيگىزەدى دەپ تۇجىرىمدايدى.