نۇر- سۇلتان اكىمدىگى قار تازالايتىن تەحنيكالار ساتىپ الدى

«جولدار مەن تروتۋارلاردى قاردان تازالاۋعا ارنالعان قوسىمشا 60-تان اسا تەحنيكا الىندى. ونىڭ ىشىندە ءوزى اۋداراتىن جۇك كولىگى، فرونتالدى تيەگىشتەر، اۆتوگرەيدەرلەر، تراكتورلار جانە ت. ب. بار. 2019 -جىلدىڭ جەلتوقسانىندا كوممۋنالدىق قىزمەت كورسەتۋ پاركى 70-كە جۋىق ارنايى تەحنيكامەن تولىقتى»، - دەپ جازىلعان قالا اكىمدىگىنىڭ Instagram پاراقشاسىندا.

سونىمەن بىرگە، قوسىمشا تاعى 50-گە جۋىق ارنايى تەحنيكا ساتىپ الىنادى. ولاردى كوكتەمدە جانە جازدا پايدالانۋعا بولادى.

ەسكە سالا كەتسەك، جاقىندا نۇر- سۇلتاندا 15 ەلەكتر اۆتوبۋس پايدالانۋعا بەرىلدى. جاڭا اۆتوبۋستار ينتەللەكتۋالدى باقىلاۋ جۇيەسىمەن، مۇمكىندىگى شەكتەۋلى جاندارعا ارنالعان پاندۋس جانە بالاسى بار جولاۋشىلارعا ارنالعان ورىندارمەن جابدىقتالعان.

اۆتور ايجان سەرىكجان قىزى