جاڭا جىل الدىندا مەيىرىمدى ءىس جاساڭىز

ادامداردىڭ ءبىرى عاجايىپقا سەنسە، باسقالارى كىشكەنتاي بولسىن عاجايىپتى بىرەۋگە سىيلاعىسى كەلەدى. مۇقتاج ادامعا كومەكتەسۋ -  وتكەن جىلدى جاقسى اياقتاۋدىڭ كەرەمەت جولى. جاڭا جىلدى قانداي مەيىرىمدى ىسپەن باستاي الامىز؟

 بالالارعا كومەكتەسۋ

جاڭا جىل -  ءبىرىنشى كەزەكتە بالالاردىڭ مەرەكەسى. ءاربىر ادامدا بالالىق شاق پەن جاڭا جىلعا قاتىستى جىلى ەستەلىكتەر بار. وكىنىشكە وراي، بارلىق بالالار بىردەي بۇل مەرەكەنى وتباسىسىمەن بىرگە قارسى الا المايدى. ءبىراق ءبىز ولارعا جايلىلىق اتموسفەراسىن جاساۋعا كومەكتەسە الامىز. ول ءۇشىن وزىڭىزگە جاقىن بالالار ءۇيىن تاۋىپ، تەلەفون شالىپ، قالاي كومەكتەسە الاتىنىڭىزدى ءبىلۋ عانا جەتكىلىكتى.

 قارتتارعا كومەكتەسۋ

 قارتتار تۋرالى دا ۇمىتپاۋ كەرەك. ولارعا ارنايى قورلار ارقىلى كومەكتەسە الاسىز. جالعىز تۇراتىن كورشى اجە نەمەسە اتانى تانىساڭىز، ويلانباستان، ولارعا قاجەتتى ازىق- تۇلىك پەن سىيلىق اپارىپ بەرىڭىز. اۋىر اۋرۋمەن اۋىراتىن ادامدارعا كومەكتەسۋ كەي بالالار مەن ەرەسەكتەردىڭ ءار مينۋتى ءوز ءومىرى ءۇشىن كۇرەسۋمەن وتەدى. ال جاڭا جىل سەكىلدى مەرەكەدە ولاردىڭ سەنىمى ارتا تۇسەدى. ءبىزدىڭ قولىمىزدان كەلەتىنى -  قاجەتتى سومانى جيناۋعا ءوز ۇلەسىمىزدى قوسۋ. سول ارقىلى ولارعا عاجايىپتىڭ ءبىر قادام جاقىنداۋىنا كومەكتەسە الامىز.

 ەرەكشە بالالارعا كومەكتەسۋ

ەرەكشە بالالار قامقورلىق پەن زەيىندى ەرەكشە قاجەت ەتەدى. سوندىقتان وسىنداي بالالاردىڭ ورتاعا بەيىمدەلۋىنە، دامۋىنا جانە ءبىلىم الۋىنا كومەكتەسەتىن ارنايى ۇيىمداستىرىلعان شارالارعا قاتىسۋعا تىرىسىڭىز. سول ارقىلى ءوزىڭىز دە ءبىراز تاجىريبە جينايسىز جانە بالالارعا ءبىراز كومەگىڭىزدى تيگىزەسىز.

 جانۋارلارعا كومەكتەسۋ

جانۋارلار ۇيىنە قاراجات سالۋ ارقىلى ولارعا كومەكتەسە الاسىز. جانۋارلار ءۇشىن باستى سىيلىق -  ولاردى ۇيگە الۋ.

اقشاسىز كومەكتەسۋ

 بىرەۋگە كومەكتەسۋ ءۇشىن اقشا جۇمساۋ مىندەتتى ەمەس. مىسالى، ەرىكتىلەر جوباسىنا قاتىسىپ، ۋاقىتىڭىزدى جۇمساساڭىز بولادى نەمەسە اۋرۋحاناعا بارىپ قان تاپسىرىڭىز. كۇلىمدەۋ ءوتىپ بارا جاتقان ادامعا شىن كوڭىلدەن قوشەمەت ءسوز ايتۋ، اسىعىس ادامدى كەزەكسىز وتكىزۋ، كەزەكتە ارتىڭىزدا تۇرعان بالانىڭ زاتىن تولەپ بەرۋ، سۋپەرماركەت ارباشاسىنا 200 تەڭگە قالدىرۋ، اجەنىڭ اۋىر سومكەسىن تاسىپ بەرۋ، كەزەكتە سىزدەن كەيىن تۇرعان ادامعا دا كوفە ساتىپ الىپ بەرۋ، شايپۇل تاستاۋ، كوشەدە وتىرعان اجەدەن توقىلعان شۇلىق ساتىپ الۋ -  مۇنىڭ بارلىعى اسا ءبىر كۇشتى قاجەت ەتپەيتىن، باسقاعا جاقسى كوڭىل كۇي سىيلاۋدىڭ جولدارى.

Massaget.kz