وڭتۇستىك كورەيادا قاتەرلى ىسىكپەن اۋىراتىندار سانى ارتىپ بارادى

ءبىراق ورتا جاستاعى ادامدار اراسىندا اۋرۋ ازايدى. دارىگەرلەردىڭ ايتۋىنشا، بۇعان العاشقى ساتىداعى قاتەرلى ىسىك اۋرۋىن انىقتاۋ جانە ءساتتى ەمدەۋ سەبەپ بولعان. وڭتۇستىك كورەيادا ءسۇت بەزى، ۇيقى بەزى جانە بۇيرەكتىڭ قاتەرلى ىسىكتەرى بار پاتسيەنتتەر سانى ارتقان. اسقازان، توق ىشەك، وكپە، باۋىر جانە جاتىردىڭ قاتەرلى ىسىگى اۋرۋىنىڭ تومەندەۋى بايقالدى.

دارىگەرلەر مۇنداي اۋرۋلاردىڭ وسۋىنە «ازاماتتاردىڭ ءومىر ءسۇرۋ جاعدايلارى مەن كىرىستەرىنىڭ جاقسارۋى، سونداي- اق سەمىزدىك پەن مايلى تاعامداردى شامادان تىس تۇتىنۋ اسەر ەتتى» دەپ سانايدى. ەكى جىلدان كەيىن تاڭعى سامال ەلىندە قاتەرلى ىسىككە قارسى كۇرەستىڭ ءتورتىنشى كەزەڭى باستالادى.

كيم دە يەن، كورەيا رەسپۋبليكاسىنىڭ ۇلتتىق ونكولوگيا ورتالىعى دەپارتامەنت ديرەكتورى:

- كورەيا سياقتى قاتەرلى ىسىكتىڭ التى ءتۇرىن ەرتەرەك انىقتاي الاتىن ەل جوق شىعار. بۇل اۋرۋدان ءبىر ميلليون سەگىز ءجۇز مىڭ ادام ەمدەلدى، بۇل بارلىق حالىقتىڭ % 3,6- ءىن قۇرايدى. ءبىز ولارعا قولداۋ كورسەتۋ شارالارىن ويلاستىرىپ جاتىرمىز.

 مىسالى، بالا مەكتەپكە، ال ەرەسەك ادام جۇمىسقا قالاي قايتىپ ورالۋى مۇمكىن. سونىمەن قاتار ءبىز دياگنوستيكانىڭ جاڭا ادىستەرىمەن جۇمىس جاساۋدامىز. ماسەلەن، بىلتىرعى جىلعا دەيىن توق ىشەكتىڭ قاتەرلى ىسىگى دياگنوستيكاسىن ءبىز ناجىستەگى جاسىرىن قاندى انىقتاۋ رەاكسياسى ارقىلى جاسادىق. وسى جىلدان باستاپ كولونوسكوپيانى قولداناتىن دياگنوستيكالىق ءادىس ىسكە قوسىلدى.

www.24.kz