قازگيدرومەت: قازاقستاننىڭ باسىم بولىگىندە قار جاۋادى

كاسىپورىن تاراتقان مالىمەتتەرگە قاراعاندا، 31-جەلتوقسان كۇنى ەلىمىزدىڭ باسىم بولىگىندە جاۋىن- شاشىن بولىپ، سولتۇستىكتە قار جاۋادى. كەي جەرلەردە تۇمان، كوكتايعاق، بۇرقاسىن بولىپ، جەل كۇشەيەدى.

شىعىس قازاقستان وبلىسىنىڭ كەي جەرلەرىندە تۇمان، بۇرقاسىن، جولداردا كوكتايعاق بولادى. سونداي-اق جەل سەكۋندىنا 15-20 جىلدامدىقپەن ۇيتقىپ، ەكپىنى 25 م/س بولادى.

تۇركىستان، قىزىلوردا، ماڭعىستاۋ وبلىستارىنىڭ ءبىرقاتار اۋماقتارىندا تۇمان ءتۇسىپ، كوكتايعاق بولادى.

اقمولا، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كۇندىز بۇرقاسىن بولۋى ىقتيمال. جەلدىڭ كۇشى سەكۋندىنا 15-20 مەترگە جەتەدى.

باتىس قازاقستان وبلىسىنىڭ كەي جەرلەرىندە كۇندىز كوكتايعاق بولۋى ىقتيمال.

جامبىل، اتىراۋ، اقتوبە وبلىستارىنىڭ كەي جەرلەرىڭدە تۇمان ءتۇسىپ، كوكتايعاق بولادى. كۇندىز ءبىرقاتار اۋماقتاردا جەل 15-20 م/س جىلدامدىقپەن ۇيتقيدى.

الماتى وبلىسىنىڭ كەي جەرلەرىڭدە تۇمان، كوكتايعاق بولىپ، تۇندە جەكەلەگەن اۋدانداردا جەلدىڭ جىلدامدىعى 18-23 م/س- قا جەتەدى.

سولتۇستىك قازاقستان، قاراعاندى، قوستاناي وبلىستارىنىڭ كەي جەرلەرىندە بۇرقاسىن بولىپ، كۇندىز جەل 15-20 م/س جىلدامدىقپەن سوعادى.

سولتۇستىك قازاقستان وبلىسىندا جەلدىڭ ەكپىنى 23 م/س بولادى.

قاراعاندى وبلىسىنىڭ كەي جەرلەرىڭدە تۇمان، كوكتايعاق بولۋى ىقتيمال.