ستيۆ دجوبستىڭ سوڭعى ءسوزى

ميللياردەر ستيۆ دجوبس 56 جاسىندا راك اۋرۋىنان قازا تاپتى، قانشا بايلىعى بولسا دا، اجالدى جەڭە المادى. اقتىق ساپارعا اتتانار الدىندا مىنا سوزدەردى جازىپ قالدىرعان ەكەن. ەسكى جىلدى دۇرىس تۇجىرىممەن اياقتاپ، جاڭا جىلدى جاقسى ويمەن قارسى الام دەسەڭىز ءبىر وقىپ شىعىڭىز.

«مەن ىسكەرلىك الەمدە ءوز شىڭىمدى باعىندىردىم، سىرت كوز مەنىڭ ءومىرىمدى جەتىستىكتىڭ ءمانى سەكىلدى قابىلدادى. ءبىراق مەنىڭ جۇمىستان وزگە دە قۋانار ءىسىم كوپ بولدى. تۇپتەپ كەلگەندە، بايلىق - جاي عانا مەنىڭ بويىم ۇيرەنگەن ءومىردىڭ ءبىر فاكتىسى. ءدال قازىر توسەككە تاڭىلىپ جاتىپ وتكەن ءومىرىمدى كوز الدىمنان وتكىزسەم، جانىمدى الماي قويمايتىن اجالدىڭ الدىندا بايلىعىمنىڭ ەش ءمانى جوق ەكەن. ءسىز كولىگىڭىزدى جۇرگىزۋشىگە تاپسىرۋىڭىز مۇمكىن، ءسىز ءۇشىن وزگە بىرەۋ اقشا تابۋى مۇمكىن، الايدا ەشكىم ءسىزدىڭ اۋرۋىڭىزدى وزىنە الىپ، ءسىزدىڭ ورنىڭىزعا توسەك تارتىپ جاتا المايدى.

 ماتەريالدىق قۇندىلىقتاردى قاشان دا تابۋعا، ساتىپ الۋعا بولادى، ءبىراق تاۋىپ تا، ساتىپ تا الا المايتىن ءبىر نارسە بار، ول - «ءسىزدىڭ ءومىرىڭىز» . وزگەلەردى قۇرمەتتەپ، وزىڭىزگە ەركىندىك بەرىڭىز. جاس ۇلعايعان سايىن اقىل توقتاتامىز، وسىلاي جۇرە- جۇرە $30 تۇراتىن ساعات تا، $300 تۇراتىن ساعات تا ءبىر ۋاقىتتى كورسەتەتىنىن تۇسىنەمىز. $30 تۇراتىن ءاميان ۇستاساق تا، $300 تۇراتىن ءاميانىمىز بولسا دا، ىشىندەگى اقشانىڭ سانى بىردەي بولادى. 150000 دوللاردىڭ كولىگىن مىنسەك تە، 30000 دوللار تۇراتىن كولىك ايداساق تا، مەجەلى جەرگە بۇيىرعان ۋاقىتىندا جەتەمىز. 300 شارشى مەتردى قۇرايتىن جەردە تۇرساڭ دا، 3000 شارشى مەتر جەردە تۇرساڭ دا، جالعىز بولساڭ ءبارىبىر جالعىزسىڭ.

 ىشكى الەمىڭىزدىڭ باقىتى بۇل الەمنىڭ ماتەريالدىق زاتتارىمەن ولشەنبەيدى. جوعارى كلاسس بيلەتىن الساڭىز دا، ەكونوم- كلاسس بيلەتىمەن ۇشساڭىز دا، ۇشاق جەرگە قۇلاسا، ءسىز دە بىرگە قۇلايسىز. جانىڭىزدى تۇسىنەتىن دوستارىڭىز نە جاي عانا اشىق اڭگىمەلەسە الاتىن تانىستارىڭىز بولسا، باقىت دەگەن - سول. الەمدەگى ەڭ كەرەمەت التى دارىگەر:

1. كۇن كوزى

 2. دەمالىس

 3. جاتتىعۋ

 4. دۇرىس تاماقتانۋ

 5. وزىڭە جانە دوستارىڭا سەنىم ارتۋ

ءومىردىڭ ءار ساتىسىندا وسىلاردى بەرىك ۇستانىپ، ءومىردىڭ ءلاززاتىن ۇزاق سەزىنىڭىزدەر!»

Massaget.kz