ەلوردادا جاڭا جىلدىق دەمالىستا قايدا بارۋعا بولادى

مىنە، ەكىنشى اي قاتارىنان ەل استاناسىندا تاۋەلسىزدىك سارايىنىڭ تورىندە ق ر ەڭبەك سىڭىرگەن مادەنيەت قايراتكەرى كامىل مۋللاشيەۆتىڭ 75 جىلدىعىنا ارنالعان كورمە اشىلدى. ول 10 - قاڭتارعا دەيىن جالعاساتىن بولادى.

سونداي- اق، سول جەردە 13-  جەلتوقسان مەن 13 - قاڭتار ارالىعىندا ەلوردا تۇرعىندارى مەن قوناقتارى «دالا ورنەكتەرى» كورمەسىن تاماشالاي الادى.

30 - جەلتوقساندا «جاستار» سارايىنىڭ شىعارماشىلىق ۇجىمى بالالاردى جاڭاجىلدىق ەرتەڭگىلىككە شاقىرادى.

سونداي- اق، 2-5 - قاڭتار ارالىعىندا قۋىرشاق تەاترىندا «مالەفيسەنتانىڭ مۇزدى جۇرەگى» سپەكتاكلى كورسەتىلەدى، ال 3 - جانە 4 - قاڭتار كۇندەرى بالاقايلار م. گوركي اتىنداعى مەملەكەتتىك اكادەميالىق ورىس دراما تەاترى مەن ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا وتەتىن ەرتەڭگىلىكتەرگە قاتىسا الادى.

جاڭاجىل قارساڭىندا، اتاپ ايتساق 30, 31 - جەلتوقساندا «Astana Ballet» تەاترى «شاقىلداق» ەرتەگىسىن كورەرمەن نازارىنا ۇسىنادى.

ال سپورتسۇيەر قاۋىم 30 - جەلتوقسان كۇنى ساعات 19:30 دا «بارىس ارەنا» ستاديونىندا وتەتىن «بارىس» جانە «كۋنلۋن رس» كوماندالارى اراسىندا شايبالى حوككەيدەن جارىستى تاماشالاي الادى.

31 - جەلتوقسان كۇنى «استانا وپەرا» تەاترىندا «Romantiqu» كونسەرتى وتەدى. ال 2, 4 - قاڭتاردا استانالىق سيرك «جاڭا جىلدىق افروتسيرك» باعدارلاماسىن ۇسىنادى.

3 - قاڭتاردا «قازاقستان» و ك ز- دا «تۇرىك حورى» ارت- توبىنىڭ كونسەرتى وتەدى. سول كۇننىڭ ەرتەسىنە «استانا» كونتسەرت زالىندا «Walt Disney مەن جاڭا جىلدىق ساياحات» ۇرمەلى وركەسترىنىڭ كونسەرتى كورەرمەنگە جول تارتادى.

سونداي- اق، «فەەريا» بالالار مەن جاسوسپىرىمدەر شىعارماشىلىعىنىڭ IX حالىقارالىق كوپجانرلىق بايقاۋ- فەستيۆالى 5 - قاڭتاردا «جاستار» سارايىندا باستالاتىندىعىن حابارلايمىز.

ودان بولەك، 5 - قاڭتاردا ەلوردالىق باسكەتبول كومانداسى «ەنيسەي» باسكەتبول كومانداسىن «سارىارقا» ۆەلوترەگىندە قابىلدايدى.

سونىمەن قاتار، تۇرعىنداردىڭ ىڭعايى ءۇشىن قالانىڭ بارلىق اۋداندارىندا مۇز قالاشىقتارى مەن توبەشىكتەر ورناتىلعان.

«بايقوڭىر» اۋدانى اۋماعىنداعى مۇز قالاشىقتارى مەن توبەشىكتەر «جاستار» سارايى، «اتاتۇرىك» ساياباعىنىڭ جانىندا، «ءوندىرىس» جانە «كيرپيچنىي» تۇرعىن الاپتارىندا ورناتىلدى.

ەسىل اۋدانىندا جاپپاي سىرعاناۋ مەن ويىندارعا ارنالعان ورىندار ەكسپو، بوتانيكالىق ب ا ق، «حان شاتىر» س و س و، «كەرۋەن» س و س و، «جەتىسۋ» ساياباعى، «جاعالاۋ» شاعىن اۋدانى، جاسىل ورامدا، «پريگورودنىي» مەن «ۇركەر» تۇرعىن الاپتارى اۋماعىندا بار.

ال سارىارقا اۋدانىندا مۇز سىرعاناق توبەلەرى ەسىل وزەنى ماڭىندا، سونداي- اق «استانا» س ك، قوسشىعۇل ۇلى كوشەسىندەگى 17- ءۇيدىڭ جانىندا، «تامىز» ت ك، «ناز» تەاترى، گەرتسەن جانە وقجەتپەس كوشەلەرىنىڭ قيىلىسىندا، گەتە 10- ءۇيدىڭ جانىندا جانە №187 كوشەسىنىڭ بويىندا بار.

الماتى اۋدانىندا استانالىقتار «قازاق ەلى» مونۋمەنتى الدىنداعى الاڭدا، «جەرۇيىق» ساياباعىندا، اقبۇلاق وزەنىنىڭ جاعالاۋىندا، «جاستار» ساياباعىندا، وقۋشىلار سارايىنىڭ جانىندا، پرەزيدەنتتىك ساياباقتا، «رەنەسسانس» مەيرامحاناسىنىڭ جانىندا، ترياتلون ساياباعىندا، «سارايشىق» شاعىن اۋدانىندا، «جەلەزنودوروجنىي» ، «ينتەرناتسيونالنىي» جانە «ميچۋرينو» تۇرعىن الاپتارىندا مۇز ايدىندارى مەن توبەشىكتەردە ۋاقىتتى كوڭىلدى ءارى بەلسەندى وتكىزە الادى.