ەلوردادا قولجەتىمدى باسپانا قۇرىلىسى ءۇش ەسەگە ارتادى

«مەملەكەت باسشىسىنىڭ تاپسىرماسى بويىنشا قولجەتىمدى باسپانا قۇرىلىسىنىڭ ءوسىمىن 3 ەسەگە ارتتىرۋ جوسپارلانعان. بيىل 3,5 مىڭعا تارتا پاتەر تاپسىرىلدى. ءبىز جاستارعا ارنالعان ارەندالىق باسپانا باعدارلاماسىن ىسكە اسىرۋدى جالعاستىرامىز»، - دەلىنگەن ەلوردا اكىمدىگى باسپا ءسوز قىزمەتىنىڭ مالىمەتىندە.

سونىمەن قاتار اكىمدىك پروبلەمالىق قۇرىلىس نىساندارىنا قاتىستى جاعدايعا تۇسىنىك بەردى.

«2019 -جىلى قۇرىلىسى ۇزاققا سوزىلعان 10 نىسان پايدالانۋعا بەرىلدى. بۇل ءوز كەزەگىندە 2,5 ۇلەسكەردىڭ ماسەلەسىن شەشۋگە مۇمكىندىك تۋعىزدى. 2020 -جىلى سالىنىپ جاتقان 20-دان استام پروبلەمالىق نىسان پايدالانۋعا بەرىلمەك»، - دەپ اتاپ وتىلگەن حابارلامادا.

ۆەدومستۆو اقپاراتىنا قاراعاندا، تۇرعىن الابى اۋماقتارىن اباتتاندىرۋ باسىمدىقتى باعىت بولىپ قالا بەرەدى. وسى ورايدا تۇرعىن ءۇي الابىن بالالار ويىن الاڭدارىمەن جاساقتاۋعا ايرىقشا ءمان بەرىلمەك.

اۆتور: رۋسلان عابباسوۆ