ۇشاق اپاتىنان قازا تاپقانداردىڭ وتباسىنا وتەماقى قاشان اۋدارىلادى؟
«ۇكىمەت 4 ميلليون تەڭگەدەن تولەم جاساۋ تۋرالى شەشىم قابىلدادى. ق ر ەڭبەك جانە حالىقتى الەۋمەتتىك قورعاۋ مينيسترلىگى ءتيىستى قاۋلى جوباسىن ازىرلەپ، بۇگىن وعان داۋىس بەردىك. بۇل قاراجات قازا تاپقانداردىڭ وتباسى مۇشەلەرىنىڭ جەكە ەسەپشوتىنا اۋدارىلادى»، - دەدى مينيستر ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.
سونىمەن قاتار ول ۇشاق اپاتىنان زارداپ شەككەندەرگە وتەماقى تولەۋ ماسەلەسىن جەرگىلىكتى اتقارۋشى ورگاندار شەشەتىنىن ايتتى.
«ەگەر زارداپ شەككەندەرگە قاتىستى ماتەريالدىق سيپاتتا قانداي دا ءبىر وتەماقى بولاتىن بولسا، وندا مۇنى وقيعا ورىن العان جەردەگى جەرگىلىكتى بيلىك، ياعني، الماتى قالاسى مەن الماتى وبلىسىنىڭ اكىمدىگى شەشەدى. ۇكىمەت دەڭگەيىندە قازا تاپقانداردىڭ تۋىستارىنا عانا 4 ميلليون تەڭگەدەن وتەماقى تولەۋ تۋرالى شەشىم قابىلداندى»، - دەدى ول.
مينيستر وتەماقى قاشان تولەنەتىنىن دە ايتتى.
«وتەماقى تولەۋ مەرزىمىنە قاتىستى ايتار بولسام، اپات 27 ءى كۇنى بولىپ، 28 ءى كۇنى وتەماقى تولەۋ تۋرالى شەشىم قابىلداندى. بۇگىن ۇكىمەت وتىرىسىندا داۋىس بەرىلدى جانە بۇگىن اقشا ەڭبەك مينيسترلىگىنە بەرىلەدى. ءبىز قىسقا ۋاقىتتىڭ ىشىندە اقشانى جەكە ەسەپشوتتارعا اۋدارامىز»، - دەدى ءبىرجان نۇرىمبەتوۆ.
