ۇشاق اپاتى: ەلجان ءبىرتانوۆ ەكىنشى ۇشقىشتىڭ دەنساۋلىعى تۋرالى ايتتى

«وتكەن تاۋلىكتە 3 ادام اۋرۋحانادان شىقتىق. كلينيكالاردا 46 پاتسيەنت، ونىڭ ىشىندە 9 بالا قالىپ وتىر. بالالاردىڭ جاعدايى تۇراقتى، ولار رەانيماتسيا بولىمشەسىنەن اۋىستىرىلدى. ومىرلەرىنە ەش قاۋىپ ءتونىپ تۇرعان جوق. دەگەنمەن، تيىسىنشە ساپالى ەم قاجەت. جاعدايدى مينيسترلىك باقىلاۋدا ۇستاپ وتىر»، - دەدى ۇكىمەت وتىرىسىنان كەيىن ب ا ق وكىلدەرىنە سۇحبات بەرگەن ق ر دەنساۋلىق ساقتاۋ ءمينيسترى ەلجان ءبىرتانوۆ.

ونىڭ دەرەگىنشە، بىرنەشە ادامنىڭ جاعدايى وتە اۋىر بولعاندىقتان رەانيماتسيا بولىمشەسىندە جاتىر.

«4№ قالالىق اۋرۋحانادا 7 ادام، الماتى وبلىستىق كلينيكالىق اۋرۋحانادا 2 ادام رەانيماتسيا بولىمشەلەرىندە جاتىر. ءبىر پاتسيەنتتىڭ ومىرىنە قاۋىپ ءتونىپ تۇر. قازىرگى ۋاقىتتا ول جەردە عىلىمي ورتالىقتاردىڭ باسشىلارى جەتەكشىلىك جاسايتىن توپ جۇمىس ىستەپ جاتىر. كەشە كەڭەس وتكىزىپ، ەمدەۋ ءادىسىن انىقتادى. جالپى، ەمدەۋ تولىق كولەمدە جۇرگىزىلىپ جاتىر»، - دەدى ەلجان ءبىرتانوۆ.

سونىمەن قاتار، ول ۇشاقتىڭ ەكىنشى ۇشقىشىنىڭ جاي-كۇيى جايىندا دا دەرەكتەرمەن ءبولىستى.

«جاعدايى وتە اۋىر بولعانىمەن تۇراقتى. رەانيماتسيادا جاتىر»، - دەدى ول.

ەسكە سالساق، 27- جەلتوقساندا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.

كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى.

وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.

ق ر پرەزيدەنتى قاسىم-جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى.