الماتىداعى ۇشاق اپاتى: امان قالعاندار وقيعا تۋرالى باياندادى

تەك سوڭعى ساتتە ۇشاقتىڭ ارتقى بولىگىنە وتىرۋىنىڭ ارقاسىندا عانا امان قالعان، دەپ حابارلايدى Almaty.tv.

نەگىزى، ساتىپ العان ورنى - قازا تاپقانداردىڭ قاتارىندا ەكەن. ونىڭ ايتۋى بويىنشا، سالونى سۋىق اۋە كەمەسى سوققى العاننان كەيىن، بىردەن تومەن قاراي قۇلديلاي باستاعان.

الدىن الا سۋىق حاباردى ەسكەرتكەندەي، ۇشاقتىڭ ءىشى سالقىن بولعانىن باسقا دا جولاۋشىلار بايقاعان. ءوزىنىڭ 9 ايلىق بالاسى مەن جارىن الىپ، نۇر-سۇلتانعا بەتتەگەن ماقسۇت عاتيات جاڭا جىلدى اتا-اناسىمەن قارسى الىپ، نەمەرەلەرىن العاش كورسەتۋگە اسىققان ەكەن. ۇشاق قوزعالعان ساتتەن باستاپ، جولاۋشى جارى مەن بالاسىن قولىنان جىبەرمەگەنىن ايتادى.

ەسكە سالساق، 27- جەلتوقساندا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.

كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى.

وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.

ق ر پرەزيدەنتى قاسىم-جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى.

ەلباسى نۇر-سۇلتان نازاربايەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى.