الماتىداعى ۇشاق اپاتى كەزىندە جاس جىگىت جۇكتى ايەلدى دەنەسىمەن جاپقان

 بۇل تۋرالى ۇشاقتا بولعان جولاۋشىلاردىڭ ءبىرى اسەم جاپيشيەۆا ءوزىنىڭ Facebook-تەگى پاراقشاسىندا جازدى، دەپ حابارلايدى قازاقپارات.

اسەمنىڭ ايتۋىنشا، تەمىرلان قاداۋوۆ نۇر- سۇلتان- الماتى باعىتىمەن ۇشىپ بارا جاتىپ، اپاتقا ۇشىراعان «Bek Air» اۋە كومپانياسىنىڭ ۇشاعىندا بولعان.

«ونىڭ جانىندا مەنىڭ قىزىم گۇلىم اقىشيەۆا وتىردى جانە ول جۇكتى ەدى. تەمىرلان ۇشاق قۇلاعان ساتتە ونى دەنەسىمەن جاۋىپ قالعان. اپاتتان سوڭ قىزىمدى قاۋىپسىز جەرگە اپارىپ، ءوزى وزگە جولاۋشىلاردىڭ شىعۋىنا كومەكتەسكەن. ول ناعىز ەر ازامات، ءوزىنىڭ جاراقاتىنا قاراماستان وسىنداي قيىن ساتتە باتىلدىق تانىتتى. ءبىز، گۇلىمنىڭ اتا- انالارى تەمىرلاننىڭ اتا- اناسىنا وسىنداي ەر ازامات تاربيەلەگەنى ءۇشىن العىس ايتقىمىز كەلەدى» ، - دەپ جازدى.

جازبانىڭ استىنا جەلى قولدانۋشىلارى تەمىرلانعا وسى جاساعان ەرلىگى ءۇشىن العىستارىن جاۋدىرىپ جاتىر.