قۇلديلاپ تومەن قۇلاعان ۇشاق
نۇر-سۇلتان. قازاقپاراەت - Bek Air اۋە كومپانياسىنىڭ الماتى - نۇر- سۇلتان باعىتىنداعى 2100-رەيسى بورتىندا 95 جولاۋشى جانە 5 ەكيپاج مۇشەسىمەن بىرگە اپاتقا ۇشىرادى.
وسىعان بايلانىستى قاسىم- جومارت توقايەۆ 2019 -جىلدىڭ 28- جەلتوقسانىن جالپىۇلتتىق ازا تۇتۋ كۇنى دەپ جاريالادى.
ەل باسىنا تۇسكەن وسىنداي اۋىر قايعى بار حالىقتىڭ قابىرعاسىن قايىستىرىپ كەتتى. ەلىمىزدەگى قولىنا قالام ۇستاعان اقىندارىمىز دا كەشەگى قايعىلى وقيعاعا بەي- جاي قاراپ قالماي، وي- سەزىمدەرىن ولەڭ ارقىلى ءبىلدىرىپ جاتىر.
***
قار جاۋدى. ىلعال، ءا،
قارايمىن ساقتانىپ.
قارا جەر بىلعانار،
قارا - اق بولىپ.
جەلتوقسان - جەلدى اي،
جەلقومىم جۇقا ەدى.. .
ءجۇرىسىم ماندىماي،
جۇيكەمدى تۇتەدى.
قالادى ءبارى اۋدەم،
قاس- قاعىم ءومىر بۇل.
كىسىگە قاراۋمەن،
قۇدايعا ەمىنىپ.. .
وتكىزگەن كۇن، ايدى،
وكىنىشسىز.. . ۇمىتپەن.
ىشىمدە .. . جىلايدى،
ىرەڭىم كۇلىپ تەك؟
كوكتەگى، جەردەگى ءۇن،
كۇڭىرەنگەن ءبايىت ەدى.
تاعدىردىڭ بەرگەنىن،
تابيعات قايتەدى؟ .. .
جوعا- ا- ا، ويلاما،
جابىعۋ مەندە جوق!
اشەيىن جاي عانا،
ارنەنى تەرمەلەپ.
قاي تۇستان قاراقتار،
قاڭعىعان قورعاسىن.. .
قارا جەر. قار ءاپپاق.
قان تامباسىن.. .
جەلتوقسان - جەلدى اي،
جەلدىڭ قورلىعى- اي.. .
قالماحانبەت مۇقانبەتقالي
***
قۇلديلاپ تومەن قۇلاعان ۇشاق،
بالانى كوردىم، جىلاعان ۇساق.
قايعىرىپ ەلىم، قارالى كۇندە،
اي، كۇنىم تۇگەل، جارالى كۇيدە.. .
جەتە الماي قالعان جولاۋشىلارىم،
قينالعان كەزدە قالاي شىدادىڭ؟
شاشىلىپ تۇگەل قاۋىرسىندارىڭ،
سەزىلىپ تۇردى اۋىرسىنعانىڭ.. .
ءتۇسىنىپ تۇرمىن، ءحالىڭدى مىناۋ،
كومەكتى كۇتىپ ، سابىلدىڭدار- اۋ!
ءۇزىلىپ كەتتى، جاس عۇمىر دەمى.. .
ىسقىرىپ تۇردى جەلتوقسان جەلى.. .
اجالعا كەتكەن جوقتايمىن ەردى،
سابىرمەن قالاي ، توقتايمىن ەندى؟
.. ەم بولسىن دەدىم، تىلەك تىلەدىم.. .
ءبارىڭنىڭ بىلەم، جۇدەپتى رەڭىڭ.
ازاماتتاردان، ايباردى كورگەم.
قول ۇشىن سوزعان اينالدىم ەلدەن!
ۇشقىشتىڭ سەرتى.. . سوڭعى ءۇمىتتى الىپ،
كەتتى عوي ءوزى.. . قوندىرىپ بارىپ!
ۇشاعىن كوككە ۇشىرىپ الىپ،
مىندەتىن بىلسە كىسىلىك انىق!
بەدەلىن ونىڭ ءتۇسىرىپ الىپ،
جۇرمەيىك سوسىن قىسىلىپ قالىپ.. .
قابىلدا شەشىم ءتۇسىنىپ بارىپ!
جاراتقان يەم، بۇرالاڭ قايسى؟
تاعىلعان مىنا كىنالاردى الشى.. .
وتىرىك ويدان قۇراماڭدارشى.. .
ۇشقىشتى عانا كىنالى قىلىپ!
وتەۋىن ءىستىڭ سۇراماڭدارشى.. .
مايرا قۋانىش قىزى
***
تاڭ ەدى الاتاۋدا اتقان جاڭا،
اداسىپ ۇشقان قۇستاي توپتان دارا،
قۇلادى ۇشاق كوكتەن. سەزبەدى ونى،
انانىڭ قۇشاعىندا جاتقان بالا.
سايالاپ انا- قۇشاق سەستەن ونى،
سەزبەدى ءسابي جۇرەك ەشتەڭەنى.
ءۇزىلىپ كەتەر مە ەدى سول جاس ءۇمىت،
قايرىلىپ پەرىشتەسى كەتسە كەرى.
نە جىلارىن، بىلمەستەن نە كۇلەرىن
جاتتى اناسى ءومىرىن تورىپ ونىڭ.
ءاپپاق عۇمىر اجالدان امان قالدى،
الديلەپ ءولىم تۇردى توڭىرەگىن.
جەر جىلاپ، كۇڭىرەنىپ اسپان كەنەت،
بەلگى جەتتى تالايعا جاقتان بولەك.. .
ورتاسىنان وپاتتىڭ ءسابي شىقتى،
قارالى كۇندە جانعان اق ساۋلە بوپ.
وراندى بۇگىن جاندار قانشا كەبىن،
ورنىن سيپاپ، ىزدەيمىن سان سەبەبىن.
تۇنەك ءىشىن جارىق قىپ شىقتى بەينە،
تىلەيمىن مەن سونبەۋىن سول ساۋلەنىڭ!..
جۇلدىزاي ىسقاق
***
قارا قوقشىل تارتتى ما دالام ءوڭى،
قارالى جۇرت جۇرەگىڭ جارالى ەدى.
جولاۋشىلاپ شىققاندار جولايىرىقتا،
ءجيى اداسىپ وسىلاي قالا ما ەندى؟ !
تاۋسىلمادى پەندەنىڭ سىن ساعاتى- اق،
كەۋدەلەرىن ءۇمىت پەن مۇڭ سابالاپ.
پەرىشتەلەر كەتەدى قايدا كوكتىڭ،
اۋەلەيتىن شاقتاردا سىنسا قانات.
دالا جىلاپ قالدى انە، بالا جىلاپ،
جان ازاسىن ايتۋدا بار اتىراپ.
شايا الماعان قان داعىن قاسىرەتتى،
قار ۇستىندە جانادى قارا شىراق.
بەيبىت كۇندە ۇلى ەلىم تورىقتى كوپ،
جۇرت ەمەس ەك الاتىن سوعىس تىلەپ.
اق ۇلپالار ۇشا الماي جەر بەتىنەن،
كوك پەن جەردىڭ اراسى توعىستى كەپ.
جانىم كۇيىپ بارادى، ءتانىم كۇيىپ،
ازالى ءۇنى عارىشتىڭ لاعىل قۇيىپ.
كوڭىل ايتام، قازاقتىڭ قالىڭ ەلى،
شىداس بەرگەن تالايعا جانىن ءتۇيىپ.. .. .
ءا. وسپان
***
اجال- قامشى، تاعدىر- باقسى بال اشقان،
ءومىر- ءولىم الما كەزەك تالاسقان.
قانات بايلاپ كوككە ۇشقان جانداردى،
قابىلداماي جەرگە بەردى قارا اسپان.
جۇرەگىممەن جانىم بۇگىن جارالى،
ءبىر قورقىنىش ءبىر ءۇمىت تە بار ءالى.
بەيبىت كۇندە باۋىرلاردان ايىرعان،
جەلتوقساننىڭ بۇل جۇماسى قارالى.
ايبەك قۇتتىبەك
Massaget.kz
