بيلەتتەردى اۋە كومپانيالارىنىڭ كاسسالارىنان عانا ساتىپ الۋ كەرەك - ۆيتسە- مينيستر

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ايتتى، دەپ حابارلايدى قازاقپارات ءتىلشىسى.

«ادەتتە جاڭا جىل قارساڭىندا جانە دەمالىس كۇندەرى ۇشاق بيلەتتەرى جاي كۇندەرگە قاراعاندا جوعارى بولادى. سوندىقتان دەلدالدار نەمەسە قانداي دا ءبىر كومپانيالار ارقىلى ارتىق تولەمگە جول بەرمەۋ ءۇشىن جولاۋشىلارعا بيلەتتى تەك اۋە كومپانيالارىنىڭ رەسمي سايتىنان جانە اككرەديتتەلگەن ساتۋ نۇكتەلەرىن الۋعا كەڭەس بەرەمىز. بىزدە Air Astana, Qazaq Air اۋە كومپانيالارمەن الدىن الا ۋاعدالاستىق بار» ، - دەدى ۆيتسە- مينيستر.

بەرىك كاماليەۆتىڭ اتاپ وتۋىنشە، «بەك ەير» كومپانياسىنىڭ 31 - جەلتوقسانعا دەيىن ورىندالمايتىن رەيستەرىنە بيلەت ساتىپ العان جولاۋشىلار اتالعان اۋە كومپانيالارىنىڭ قىزمەتىن جوسپارلانعان باعدارلارعا بوس ورىن بولعان جاعدايدا بۇرىن ساتىپ العان بيلەتتەرىنىڭ قۇنىمەن الا الادى.

«بيلەتتەردى Air Astana مەن Qazaq Air اۋە كومپانيالارىنىڭ كاسسالارىنان عانا ساتىپ الۋ كەرەك. SCAT كومپانياسىنا قاتىستى ايتار بولساق، «بەك ەير» مەن SCAT كومپانيالارىنىڭ اراسىندا ىشكى ءوزارا ەسەپ ايىرىسۋ بار. سوندىقتان SCAT اۋىستىرۋ ارقىلى ءوز ۇشاقتارىنان جولاۋشىلارعا ورىن بەرۋگە دايىن. Air Astana نۇر- سۇلتان- الماتى» باعىتىندا قوسىمشا رەيستەر قوستى. بۇل جايىندا اتالعان كومپانيانىڭ وكىلى ايتىپ بەرەتىن بولادى. زارداپ شەككەن جولاۋشىلاردىڭ جاقىن تۋىستارى تەگىن تاسىمالدانادى» ، - دەدى بەرىك كاماليەۆ.