كانزاستاعى ۇشاق شىعاراتىن زاۋىتتا جارىلىس بولدى
نيۋ-يورك. قازاقپارات - ۋيچيتو قالاسىنداعى (كانزاس شتاتى) اۆياقۇرىلىس زاۋىتىندا جارىلىس بولدى، دەپ حابارلادى سەنبىدە cnn تەلەكومپانياسى جەرگىلىكتى پوليتسيياعا سىلتەمە جاساپ.
جارىلىس ازاماتتىق جانە اسكەري ۇشاقتار شىعاراتىن beechcraft اۆياكونتسەرنىنىڭ زاۋىتىندا بولعان.
روجدەستۆونى مەرەكەلەۋگە وراي زاۋىت جۇمىسىن توقتاتقان بولاتىن. وسىعان بايلانىستى وقىس وقيعا كەزىندە ادام ءولىمى بولماۋى ءتيىس.
قازىرگى ۋاقىتتا جارىلىس ورنىندا قۇقىق قورعاۋ ورگاندارى مەن قۇتقارۋشىلار جۇمىس ىستەۋدە.
سوڭعى دەرەكتەرگە قاراعاندا، كەلەڭسىز جاعداي سالدارىنان 11 ادام اۋرۋحاناعا ءتۇستى. تاعى ءتورت ادامدى سول جەردە دارىگەرلەر قاراپ، ۇيلەرىنە قايتاردى.
