الماتىدا قۇلاعان ۇشاقتا بولعان نارەستەلەردىڭ جاعدايى قالاي

قايعىلى وقيعادان سوڭ بالالارعا شۇعىل مەديتسينالىق كومەك كورسەتۋ ورتالىعىنا 9 بالا جەتكىزىلگەن.

«بىزگە 9 بالا جەتكىزىلدى. ونىڭ ۇشەۋى - ءبىر جاسقا دەيىنگى بالالار. 3 بالا بولىمشەدە جاتىر. قالعان 6 بالا جانساقتاۋ بولىمىندە. سان سۇيەگى سىنعان ەكى بالاعا وتا جاسالدى. جاعدايلارى ءبىرقالىپتى. ومىرىنە ەش قاۋىپ ءتونىپ تۇرعان جوق. بارلىق مەديتسينالىق پرەپاراتتار جەتكىلىكتى. بالالاردىڭ اتا- انالارى امان دەپ ەستىدىك. تۋىستارى كەلىپ بالالاردى كورىپ كەتتى»، - دەدى ورتالىقتىڭ باس دارىگەرى اباي قۇسايىنوۆ.

ايتا كەتەيىك، بۇگىن تاڭەرتەڭ الماتىدان نۇر- سۇلتان قالاسىنا ۇشىپ شىققان ۇشاق راداردان جوعالىپ كەتتى. كەيىن 93 جولاۋشى مەن 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى.

اۆتور: گۇلميرا عوسمانالي