ەلوردادان الماتىعا بارۋعا نيەت بىلدىرگەندەرگە ارنايى ۇشاق بولىنبەك

قازىرگە دەيىن وندا جيىرمادان اسا ادام جۇگىنگەن. قالعاندارىنا الماتىعا اتتانۋ ءۇشىن ارنايى ۇشاق بولىنەتىنى جەتكىزىلدى. شتاب ەلورداداعى حالىقارالىق اۋەجايدىڭ ۆيپ كۇتۋ زالىندا ورنالاسقان. وندا 5 جەدەل جاردەم بريگاداسى مەن 20 پسيحولوگ قىزمەت كورسەتىپ جاتىر. جاقىندارىنىڭ امان- ساۋلىعىن تىلەپ، بىلۋگە كەلگەندەردىڭ كوڭىلى الاڭ. بۇل تۇسىنىكتى دە. اۋەجاي وكىلدەرى شتابقا كەلگەندەر اراسىندا الماتىعا بارۋعا نيەت بىلدىرگەندەرگە ارنايى ۇشاق بولمەك. 

الماتى ماڭىنداعى ۇشاق اپاتى: وقيعالار حرونولوگياسى

 ۇشاق الماتى ماڭىنداعى قىزىلتۋ اۋىلىندا اپاتقا ۇشىرادى. ساعات 07:22 دە «بەك ەير» اۋە كومپانياسىنىڭ №Z2100 رەيسى ۇشىپ كوتەرىلۋ كەزىندە بيىكتىكتىگىن جوعالتىپ، بەتوندى قورشاۋعا سوعىلعان. ەكى قاباتتى قۇرىلىسپەن قاقتىعىس بولعان. ءورت بولعان جوق. ەستەرىڭىزدە بولسا، الماتى ماڭىنداعى قىزىلتۋ اۋىلىندا وسىدان 6 جىل بۇرىن دا جولاۋشىلار ۇشاعى اپاتقا ۇشىراپ، 21 ادام قازا تاپقان. ق ر ءى ءى م مالىمەتى بويىنشا، اپات سالدارىنان 12 ادام قازا تاپقان.

ۇشاق اپاتىنان قازا تاپقاندار اراسىندا دانا كرۋگلوۆا ەسىمدى ارىپتەسىمىز دە بار. ول Informburo.kz اقپارتتىق پورتالىندا شىعارۋشى رەداكتور قىزمەتىن اتقاردى. دانا نەبارى 35 جاستا ەدى. ول جاڭا جىل مەرەكەسىن ەلورداداعى اتا- اناسىمەن قارسى الماق بولىپ جولعا شىققان ەكەن. سونداي- اق قازاقستاننىڭ گەنەرالدار كەڭەسىنىڭ ءتوراعاسى دا الماتى ماڭىندا بولعان ۇشاق اپاتىنان قازا تاپتى. گەنەرال- مايور رۇستەم قايداروۆتىڭ قازاسى تۋرالى اقپاراتتى قوعامدىق بىرلەستىكتىڭ مۇشەلەرى راستادى الماتى ماڭىنداعى قۇلاعان ۇشاقتا بارلىعى 93 جولاۋشى جانە 5 ەكيپاج مۇشەسى بولعان. ۇشاقتا 4 ايلىق بالا دا بولعان. نارەستە اپاتتان امان قالدى. سونىمەن قاتار بورتتا ءتورت شەتەل ازاماتى بولعانى انىقتالدى. الماتىداعى ۇشاق اپاتىنا بايلانىستى ورتالىق كوممۋنيكاتسيالار قىزمەتى دە باسپا ءسوز ءماسليحاتىن وتكىزدى. ورتالىقتىڭ رەسمي وكىلى الىبەك ءابدىلوۆتىڭ ايتۋىنشا، اپات جاعدايلارى انىقتالعانعا دەيىن وسى فوككەر-100 اۋە كەمەلەرىنىڭ ۇشۋى ۋاقىتشا توقتاتىلدى.

 «بۇگىن الماتى ماڭىنداعى جولاۋشىلار ۇشاعى اپاتىنان قازا تاپقان ادامداردىڭ تۋىستارى مەن جاقىندارىنىڭ قايعىلارىنا ورتاقتاسىپ، كوڭىل ايتامىن. زارداپ شەككەندەرگە كومەك كورسەتىلەدى. اپات سەبەبىن انىقتاۋ ءۇشىن ارنايى ۇكىمەتتىك كوميسسيا قۇرىلدى. كىنالىلەر زاڭعا سايكەس قاتاڭ جازالانادى»، - دەدى ق ر پرەزيدەنتى قاسىم- جومارت توقايەۆ. پرەزيدەنت قاسىم- جومارت توقايەۆ الماتى ماڭىنداعى ۇشاق اپاتىنان ادامداردىڭ قازا بولۋىنا بايلانىستى 2019 -جىلدىڭ 28 - جەلتوقسانىن جالپىۇلتتىق ازا تۇتۋ كۇنى دەپ جاريالادى. ەلباسى ۇشاق اپاتىنان كوز جۇمعانداردىڭ جاقىندارىنا كوڭىل ايتتى «اپاتتان مەرت بولعاندار مەن زارداپ شەككەندەر تۋرالى اقپاراتتى زور كۇيزەلىسپەن قابىلدادىم. كوز جۇمعانداردىڭ تۋعان تۋىستارى مەن جاقىندارىنا كوڭىل ايتىپ، زارداپ شەككەندەردىڭ تەز ساۋىعۋىن تىلەيمىن»، - دەدى ق ر تۇڭعىش پرەزيدەنتى - ەلباسى ن. نازاربايەۆ.