ەسەپ كوميتەتى: «قازاق فيلم» ءوزىن- ءوزى اقتاي الماي وتىر

 «2018-2019 -جىلدار ارالىعىندا «قازاق فيلم» ا ق- تى ۇستاپ تۇرۋعا 1 ميلليارد 129 ميلليون تەڭگە شىعىندالعان. كورسەتىلگەن كەزەڭدەگى ءىس- شارالاردى وتكىزۋدەن تۇسكەن تابىس - فيلم ءوندىرىسىن قوسپاعاندا، 638,1 ميلليون تەڭگەنى نەمەسە كەتكەن شىعىننىڭ 56,5 پايىزىن قۇرادى. قازىرگى ۋاقىتتا «قازاق فيلم» ا ق كينويندۋسترياسىنىڭ سالالىق قالىپتاستىرۋشى كاسىپورنى مورالدىق جانە فيزيكالىق تۇرعىدان توزىپ قالعان ماتەريالدىق- تەحنيكالىق بازاعا يە. زامانعا ساي قۇرال- جابدىقتارمەن جانە تەحنولوگيالارمەن ءتيىستى تۇردە جاڭعىرتىلىپ، تەحنيكالىق تۇرعىدا جاراقتاندىرىلعان جاعدايدا «قازاقفيلم» ءوزىن- ءوزى اقتاي الۋى مۇمكىن. مىسالى، رەسەيدىڭ «موس فيلمى» مەن وزبەكستاننىڭ «وزبەك كينو» ۇلتتىق اگەنتتىگى وسىلاي جۇمىس جۇرگىزەدى. ول جاقتا تولىققاندى كينو ءوندىرىسى مەن تاۋەلسىز كينو نارىعىن قۇرۋعا جاعداي جاسالعان»، - دەدى ول ەسەپ كوميتەتىنىڭ وتىرىسىندا.

تالعات جاقان سونىمەن بىرگە، «قازاق فيلم» ا ق- قا كينو نەمەسە دەرەكتى فيلم بولىپ تۇسىرىلمەي قالعان ادەبي سسەناريلەر دە قابىلدانعانىن ايتادى. پروكاتتا سۇرانىسقا يە بولمايتىن فيلمدەر دە شىعارىلعان.

«ماسەلەن، 2010 -جىلدان باستاپ بەكىتىلگەن 48 سسەناري بويىنشا فيلمدەر تۇسىرىلمەي، تۇسىرىلگەن 325 فيلمنىڭ 185- ءى پروكاتقا شىقپاي قالعان. ولاردىڭ قۇنى 19 ميلليارد تەڭگەدەن اسادى. كينوتەاترلار مەن تەلەديدارلار ارقىلى تاراتۋدان تۇسكەن كىرىستەر فيلمدەردىڭ وزىندىك باعاسىن شىعارىپ بەرە المايدى. سوڭعى 9  جىل ىشىندە 161 كارتينا جاسالىپ، ولارعا 42 ميلليارد 951 ميلليون تەڭگە جۇمسالعان»، - دەپ قورىتىندىلادى تالعات جاقان.

اۆتور: ايان بەكەن ۇلى