الماتىداعى ۇشاق قالاي اپاتقا ۇشىرادى - العاشقى نۇسقا جاريالاندى
«ۇشاق اپاتىنان كوز جۇمعانداردىڭ تۋعان- تۋىستارىنا قايعىرا كوڭىل ايتامىز. بۇل جاعدايعا قاتىستى ەشكىم دە مەملەكەتتىڭ قولداۋ شارالارىنان تىس قالمايدى. قايتىس بولعانداردىڭ تۋعان- تۋىستارى مەن زارداپ شەككەندەردە قاجەتتى بارلىق كومەك پەن قولداۋ كورسەتىلەدى. وقيعا تىركەلگەننەن باستاپ ۇكىمەتتىك كوميسسيا ءتيىستى جۇمىستى باستاپ كەتتى. بۇگىن ءبىز ۇشۋ- قونۋ جولاعىنا اۋە كەمەسىنىڭ ارتقى بولىگىنىڭ ءبىرىزدى سيپاتتا ەكى رەت جاناسقانىن انىقتادىق. جولاققا جاناسۋ ارالىعى 300-400 مەتر شاماسىندا بولدى. ۇشار كەزدە اۋە كەمەسى ەكى رەت ۇشۋ- قونۋ جولاعىنا سوقتىققان» ، - دەدى رومان سكليار الماتىدا شۇعىل وتكەن باسپا ءسوز ءماسليحاتىندا.
ۇكىمەت باسشىسى ورىنباسارىنىڭ ايتۋىنا قاراعاندا، ۇشۋ- قونۋ جولاعى اياقتالعاننان كەيىن اۋە كەمەسى وڭعا بۇرىلعان. شاسسي بۇل ۋاقىتتا جيناقتالىپ قويعان.
«ۇشاق ۇشىپ كەتپەك بولعانىمەن وڭ جاققا اۋىپ كەتىپ، جەكە ءۇيدىڭ قورشاۋىنا سوعىلعان. ۇيدە ەشكىم بولماعان. اۋە كەمەسى سوقتىعىس سالدارىنان ەكىگە ءبولىنىپ كەتكەن. نەگىزىنەن ۇشاقتىڭ الدىڭعى جاعىندا وتىرعان جولاۋشىلار كوز جۇمعان» ، - دەدى رومان سكليار.
