الماتى اۋەجايىنىڭ پرەزيدەنتى ۇشاق اپاتى تۋرالى ايتتى
«Bek Air اۋە كومپانياسىنىڭ الماتى-نۇر-سۇلتان باعىتىنداعى 2100№ رەيسىن ورىنداعان Foker-100 ۇشاعى اپاتقا ۇشىرادى. اۋە كەمەسىنىڭ كومانديرى مۇراتبايەۆ، ەكىنشى ۇشقىش مولداعۇلوۆ، 3 بورت-سەرىك بولعان. بارلىعى 5 ەكيپاج مۇشەسى بولدى. بورتتا 93 جولاۋشى وتىرعان. ونىڭ ىشىندە 85 ەرەسەك ادام، 5 ۇلكەن بالا، 3 كىشكەنتاي بالا. بورتتا 603 كەلى باگاج، 613 كەلى جۇك بولعان»، - دەدى بولات ەرجانوۆ.
ونىڭ ايتۋىنشا، رەيسكە تىركەۋ 5:35 تە باستالعان.
«ۇشاق 7:21 دە اۋەگە كوتەرىلدى. 7:25 تە قاۋىپ دابىلى قاعىلدى. 7:40 تا ۇشاق راداردان جوعالىپ كەتكەنى تۋرالى حابارلاما ءتۇستى. وقيعا ورنىنا ءبىرىنشى اۋەجاي قىزمەتكەرلەرى جەتتى»، - دەدى اۋەجاي باسشىسى.
ايتا كەتەيىك، بۇگىن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتى.
كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. وقيعانىڭ ءمان-جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا ۇشىپ شىقتى. وسى اپاتقا قاتىستى شۇعىل جەلى ىسكە قوسىلعان.
ق ر پرەزيدەنتى قاسىم-جومارت توقايەۆ ۇشاق اپاتىنا كىنالىلەر زاڭعا سايكەس قاتاڭ جازالاناتىنىن مالىمدەدى. ەلباسى نۇر-سۇلتان نازاربايەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كوڭىل ايتتى.