داۋرەن ابايەۆ: پرەزيدەنتتىڭ كۇن ءتارتىبى قوعامنىڭ شىنايى سۇرانىسىنا جاۋاپ بەرەدى

اقپارات جانە قوعامدىق دامۋ ءمينيسترى داۋرەن ابايەۆ كەڭەس وتىرىسى جايلى وسىنداي پىكىر ءبىلدىردى، دەپ حابارلايدى قازاقپارات.

«مەملەكەت باسشىسىنىڭ ۇلتتىق كەڭەستە سويلەگەن ءسوزىنىڭ ەشكىمدى بەي-جاي قالدىرماعانى قۋانتادى. البەتتە، كۇمانشىلدەر جاڭا ارگۋمەنتتەردى تاۋىپ، كەڭەستى پايداسىز ەتىپ كورسەتكىسى كەلەدى. الايدا پرەزيدەنتتىڭ مالىمدەمەسى ولاردىڭ ءسوزىن جوققا شىعارىپ وتىر. پرەزيدەنتتىڭ كۇن ءتارتىبى قوعامنىڭ شىنايى سۇرانىسىنا جاۋاپ بەرە الادى. سول سەبەپتى، ۇسىنىستار ازاماتتاردىڭ قولداۋىنا يە بولۋدا»، - دەدى داۋرەن ابايەۆ حابار ارناسىنان كورسەتىلگەن «اشىق ديالوگ» باعدارلاماسىندا.

مينيستر پارتيا قۇرۋدا كەدەرگىلەردى تومەندەتۋ، ميتينگتى ۇيىمداستىرۋدا ەسكەرتپە قاعيداتتاردى ەنگىزۋ، پارلامەنتتىك وپپوزيتسيا ينستيتۋتى تۋرالى ايتىلعانىن ەسكە سالدى.

«بالكىم، تاپسىرمالاردىڭ ساياسي-ەكونوميكالىق بولىگى دە كورىنبەي قالۋى مۇمكىن. ماسەلەن، اۋىل شارۋاشىلىعى جەرلەرىنە عارىشتان مونيتورينگ جاساۋ ارقىلى عارىشتان تۇسىرىلگەن سۋرەتتەر ارقىلى پايدالانىلماي جاتقان جەرلەردى انىقتاۋعا بولادى. ءتيىستى جۇمىس جۇرگىزىلىپ، جىلدار بويى جاتقان ول اۋماقتار شىنايى ەڭبەكقورلارعا تاپسىرىلادى دەگەن ويدامىن. سول سەكىلدى، شەتەلدىك جۇمىسشىلارعا بەرىلەتىن كۆوتالاردى قىسقارتۋ ماسەلەسى كەڭىنەن تالقىلانعالى جاتىر. وسىنىڭ ءبارى دە قازاقستاندىق جۇمىسشىلاردى ديسكريميناتسيالاۋدى شەكتەيدى. ال ديسكريميناتسيا - الەۋمەتتىك دۇمپۋگە سەبەپ بولىپ كەلگەن ەدى»، - دەدى ول.

ەسكە سالا كەتسەك، ق ر پرەزيدەنتى قاسىم-جومارت توقايەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ەكىنشى وتىرىسى وتكەن بولاتىن.