ەلوردادا جولاقىنى بەت- الپەتپەن تولەۋ جۇيەسى ىسكە قوسىلدى

«FacePay جۇيەسى جول اقىسىن جولاۋشىلارعا بەپ- الپەتپەن تولەۋگە مۇمكىندىك بەرەدى. ارنايى جابدىقتار ەكى اۆتوبۋستا ورناتىلعان. FacePay پايدالانۋشىلارى بۇل اۆتوبۋستاردى كورپۋستاعى لوگوتيپتەر ارقىلى تاني الادى. الەمدە وسىنداي جوبا قوعامدىق كولىكتە العاش رەت جۇزەگە اسىرىلۋدا. بۇل سەرۆيس ارقىلى كەز- كەلگەن جولاۋشى قوعامدىق كولىككە كىرىپ، جول ءجۇرۋ اقىسىن تولەي الادى. قولما- قول اقشاسىز تولەم بولعاندىقتان، جول ءجۇرۋ قۇنى - 90 تەڭگە» ، - دەلىنگەن كومپانيا حابارلاماسىندا.

ارنايى كامەرالارمەن جابدىقتالعان اۆتوبۋستاردا جۇيە ادامنىڭ بەت- الپەتىن تانىپ، اۆتوماتتى تۇردە قاجەتتى سومانى الادى. پايدالانۋشى جۇيە ارقىلى، سونداي- اق ءوز بانكىنىڭ سمس- بانكينگى ارقىلى تولەم تۋرالى حابارلاما الاتىن بولادى. بۇل جۇيەنىڭ جۇرگىزۋشى ءۇشىن فۋنكتسيونالى دا ىڭعايلى جانە اۆتوماتتى تۇردە ەسەپ جۇرگىزۋگە مۇمكىندىك بەرەدى.

جۇيە قولدانىس ءۇشىن وڭاي جانە ونىڭ قاۋىپسىزدىگى ءتيىستى دەڭگەيدە. قوعامدىق كولىكتە جول اقىسىن FacePay ارقىلى تولەۋ ءۇشىن تەlegram-نان @FacePay_bot بوت- باعدارلاماسىن تاۋىپ، وعان ج س ن- دى تىركەپ، سۋرەتكە ءتۇسىرۋ كەرەك جانە بانكتىك كارتانى تىركەۋ قاجەت.