زەينەتاقى قورى قازاقستانداعى زەينەتاقى جيناعىنىڭ جالپى سوماسىن جاريا ەتتى

جەكە زەينەتاقى شوتىنىڭ سانى 10,6 ميلليون استى. 2019 -جىلعى 1-جەلتوقسانداعى جينالعان زەينەتاقى قاراجاتىنىڭ جالپى سوماسى جىل باسىنان بەرى %14 عا ارتىپ، 10,7 تريلليون تەڭگەنى قۇرادى.

ءوسىم ديناميكاسىن مىندەتتى زەينەتاقى جارنالارى بويىنشا بايقاۋعا بولادى. ولارداعى جيناقتاۋ سوماسى جىل باسىنان باستاپ %14 عا ارتىپ، 10,4 تريلليون تەڭگەنى نەمەسە (%97,7) قۇرادى.

مىندەتتى كاسىپتىك زەينەتاقى جارنالارى بويىنشا جينالعان زەينەتاقى قاراجاتىنىڭ مولشەرى 241,8 ميلليارد تەڭگەنى (بارلىق قاراجاتتىڭ %2,3) قۇرادى، ەرىكتى زەينەتاقى جارنالارى بويىنشا زەينەتاقى قاراجاتىنىڭ مولشەرى 1,9 ميلليارد تەڭگەنى (%0,02) قۇرادى.

مىندەتتى زەينەتاقى جارنالارى (م ز ج) بويىنشا زەينەتاقى جيناقتارىنىڭ ورتاشا سوماسى 1,1 ميلليون تەڭگەنى قۇرادى. ونىڭ ىشىندە ەرلەردە - 1,2 ميلليون تەڭگە، ايەلدەردە - 933,4 مىڭ تەڭگە.

1998 -جىلدان باستاپ اي سايىنعى جارناسىن تولەگەن سالىمشىلار اراسىندا جيناقتاۋدىڭ ورتاشا مولشەرى ەر ادامدار ءۇشىن - 5,1 ميلليون تەڭگە، ايەلدەر ءۇشىن - 3,9 ميلليون تەڭگە بولدى.

ب ج ز ق-دا ەسەپتەلگەن تازا ينۆەستيسيالىق كىرىس جىل باسىنان بەرى 600,5 ميلليارد تەڭگەنى قۇرادى.

جيناقتالعان زەينەتاقى قاراجاتىنىڭ كىرىسى جىل باسىنان بەرى% 6,16 دى قۇرادى، ينفلياتسيا 4,7%. وتكەن جىلدىڭ سايكەس كەزەڭىمەن سالىستىرعاندا %8,13 دى قۇرادى، ينفلياتسيا - %5,4.

اۆتور: الما مۇقانوۆا