بەتپەردە كيگەن بەلگىسىز بىرەۋلەر كوشەدە بىرنەشە ادامدى اتىپ كەتتى
نۇر-سۇلتان. قازاقپارات - فرانسياداعى بەزانسون قالاسىندا بەتپەردە كيگەن بەلگىسىز بىرەۋلەر كوشەدە وق جاۋدىرىپ، ءۇش ادام جارالاندى، دەپ حابارلايدى قازاقپارات France Bleu راديوستانتسياسىنا سىلتەمە جاساپ.
قولدا بار دەرەككە قاراعاندا، بەتپەردە كيگەن ءۇش نە ءتورت ادام كوشەدە وق جاۋدىرىپ، ارتىنشا ىزدەرىن سۋىتقان. پوليتسەيلەر وقيعا ورنىنان 15 گيلزا مەن گراناتا تاپتى.
اتىس جەرگىلىكتى ۋاقىت بويىنشا 19:15-تە بولعان. زارداپ شەككەندەردىڭ بىرەۋى اۋىر جاعدايدا. بىرنەشە وق ونىڭ كەۋدەسىنە تيگەن. ال ەكىنشى ادام جامباسىنان جارالانعان، ءۇشىنشىسىن وق ءىلىپ كەتكەن.
بەزانسون پروكۋراتۋراسى تەرگەۋ جۇمىستارىن باستادى.
