بۇرقاسىن، تۇمان، كوكتايعاق - بەيسەنبىگە ارنالعان اۋا رايى بولجامى

قازاقستان تەرريتورياسىنىڭ باسىم بولىگىنە اتلانت مۇحيتىنان كەلەتىن انتيتسيكلون اسەر ەتەدى، جاۋىن-شاشىن توقتايدى. تەك رەسپۋبليكانىڭ سولتۇستىك جانە شىعىس بولىكتەرى ءالى دە فرونتالدى ايماقتا بولعاندىقتان كەي جەرلەردە قار جاۋۋى مۇمكىن. رەسپۋبليكانىڭ كەي جەرلەرىندە تۇمان، بۇرقاسىن، جەلدىڭ كۇشەيۋى كۇتىلەدى.

شىعىس قازاقستان وبلىسىنىڭ كەي جەرلەرىندە جاياۋ بۇرقاسىنداتىپ، تۇمان تۇسەدى، جەل 15-20 م/س كۇشەيەدى.

اقمولا وبلىسىنىڭ كەي جەرلەرىندە جاياۋ بۇرقاسىن كۇتىلەدى، جەلدىڭ جىلدامدىعى 15-20 م/س جەتەدى.

سولتۇستىك قازاقستان، پاۆلودار وبلىستارىنىڭ كەي جەرلەرىندە جاياۋ بۇرقاسىن بولادى، تۇندە پاۆلودار وبلىسىندا جەل 15-20 م/س كۇشەيەدى.

تۇركىستان، قىزىلوردا، ماڭعىستاۋ، اتىراۋ، باتىس قازاقستان، اقتوبە، قاراعاندى ​​وبلىستارىنىڭ كەي جەرلەرىندە تۇمان تۇسەدى، اقتوبە وبلىسىندا جەل تۇرىپ، جىلدامدىعى 18 م/س جەتەدى.

جامبىل وبلىسىنىڭ كەي جەرلەرىندە تۇمان ءتۇسۋى ىقتيمال، تۇندە جەل 15-20 م/س كۇشەيەدى.

الماتى وبلىسىنىڭ جالاڭاشكول اۋدانىندا سوققان جەلدىڭ جىلدامدىعى 15-20 م/س جەتەدى، تۇندە كەي جەرلەردە تۇمان كۇتىلەدى.